"Paxtakor" va "Navbahor" o'rtasida bugun bo'lib o'tadigan uchrashuvda muxlislar avtomobil yutib olish imkoniyatiga ega bo'lishadi. Klubimiz ishqibozlar uchun mo'ljallangan ajoyib aktsiyasini davom ettiradi. Bugun oliy liganing 8-turida jamoamiz "Navbahor"ni qabul qiladi. Bellashuv "Paxtakor" stadionida 18:30da boshlanadi. Mazkur uchrashuvda "Paxtakor" stadioniga tashrif buyuradigan muxlislarni ajoyib sovg'alar kutmoqda. Mavsumiy abonement va chipta sotib olgan har bir ishqiboz "Omadli muxlis" sovrinli aktsiyasida ishtirok etib, asosiy sovg'a sifatida "Damas" avtomobilini yutib olish imkoniyatiga ega bo'ladi. Chiptalar 10 va 20 ming so'mdan stadion kassalarida sotilmoqda. Batafsil ma'lumot uchun +99871-2413723 raqamiga bog'lanishingiz mumkin. Uchrashuvga tashrif buyuring va "Paxtakor"ni qo'llab-quvvatlang!
— deya xabar beradi uff.uz nashri.