«Manchester Yunayted» yarim himoyachisi Ander Errera avvalgi hafta Angliyaning United Review nashri muxbirlari bilan suhbatlashdi. Ispaniyalik futbolchi garchi joriy mavsum Joze Mourinoning to'liq ishonchiga kirgan bo'lsada, xotirjam emas. Qaysi ma'nodaki, agar o'z ustida ishlashni susaytirsa, asosiy tarkibdagi o'rnini yo'qotishini yaxshi biladi. Zero, «qizil iblislar» tarkibi yozda yanada kuchaytirilishi kutilmoqda. - Joriy mavsum ko'pincha boshlang'ich tarkibda maydonga tushyapsiz. O'z o'yiningizga bog'liq o'sishni qanday baholaysiz? - Hozirgi holat va rivojlanish sur'atidan xursandman. Biroq muxlislar doimo asosan mavsumning yakuniy qismini eslab qolishga odatlanishgan. Shuni nazarda tutib aytsam, jamoamiz eng muhim pallada turibdi. Vazifamiz aniq - premer-liga doirasidagi so'nggi uchrashuvlarni dadil o'tkazib, imkon qadar ko'proq ochko olish. Ha, yana Evropa Ligasidagi hal qiluvchi o'yinlarni ham unutmaslik kerak. Umid qilamanki, finishda o'ylagan rejalarimizni to'liq amalga oshirishni uddalaymiz. Shaxsan o'zimga to'xtalsam, mabodo mavsumning oxirida yaxshi o'ynay olmasam, hech kim avvalgi muvaffaqiyatli harakatlarimni esga olmaydi. Boshqacha aytganda, butun mavsum uchun munosib baho olishni istasam, yakuniy uchrashuvlarda borimni berishim kerak. Lekin har nima bo'lganda ham, shunday klubda o'ynayotganimdan baxtiyorlik hissasini tuymoqdaman. - Gaplaringizdan shunday taassurot uyg'onyaptiki, o'z o'yiningizga nisbatan tanqidiy qaraysiz. Bu borada adolatsizlikka yo'l qo'ymayapsizmi? - Tabiatan o'zimdan yanada ko'proq narsa talab qilishga o'rganganman. Chunonchi, ichki imkoniyatlarim yanada faolroq to'p surish uchun etishini yaxshi bilaman. Ishonchim komil, «Manchester Yunayted»ga hozirgidan ancha ko'p naf keltirishim mumkin. O'ylaymanki, har bir professional sportchi o'z ishiga shunday yondashishi kerak. Aks holda, u o'sishdan to'xtab qoladi. To'g'ri, avvallari hammasidan qoniqardim, hattoki, ishlarim joyida ekanligidan biroz xotirjamlikka berilardim. Lekin endilikda har bir o'yinda mahoratimni maksimal darajada ishga solishim shartligini teran tushunib turibman. Ko'pchilik biladi, jamoaviy harakatlarga moyil futbolchiman. - Joze Mourinoning shaxsan sizga ta'siri qaysi jihatlarda ko'zga tashlanmoqda? DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.