Frantsiyaning taniqli L’Équipe nashri zamonamizning eng yaxshi murabbiylari bo'yicha o'ziga xos reytingni e'lon qildi.
Ushbu nashr jurnalistlarining fikriga ko'ra, avvalroq “Barselona” va “Bavariya” klublarini boshqarib kelgan va ayni damda “Manchester Siti” ustozlik qilayotgan Xosep Gvardiola eng yaxshi murabbiy deb topilgan.
Ikkinchi o'rinni “Chelsi” ustozi Antonio Konte band etgan bo'lsa, “Atletiko” murabbiyi Diego Simeone kuchli uchlikka yakun yasagan.
Kuchli o'nlikdan esa Karlo Anchelotti (“Bavariya”), Joze Mourino (“Manchester Yunayted”), Massimiliano Allegri (“Yuventus”), Yoaxim Lyov (Germaniya termasi), Zinedin Zidan (“Real”), Leonardu Jardim (“Monako”), Yurgen Klopp (“Liverpul”) o'rin olishgan.
— deya xabar beradi uff.uz nashri.