"Paxtakor" - "Navbahor" o'yinidan so'ng o'tkazilgan matbuot anjumaning ikkinchi qismida mezbonlar bosh murabbiyi vazifasini vaqtinchalik bajarauvchi Jasur Abduraimov jurnalistlar savollariga javob berdi. - Birinchi navbatda o'yingohga kelib, "Paxtakor"ni qo'llab turgan muxlislarga minnatdorchilik bildirmoqchiman. O'yinchilarga ham tashakkur aytaman. Ular o'z imkoniyatlarini 150 foiz ishga solishdi. Barchangizga ma'lum, "Paxtakor"da raxbariyat o'zgargan. Ular uchrashuvdan avval g'alaba qozonishga harakat qilishimizni so'rashdi. Biz uchrashuvga qo'ygan ushbu vazifani bajardik. "Paxtakor" - o'zbek futbolining bayroqdori. Yigitlar o'zlariga ishonchni his qilishdi.  - Agar natijalar yaxshi bo'lsa, jamoada bosh murabbiy bo'lib qolasizmi? - Faoliyatimni akademiyadan boshlaganman. O'shanda yig'gan sakkiz yoshli futbolchilarim hozir 18-20 yoshda. "Paxtakor" uchun barcha narsaga tayyorman. Bosh murabbiy bo'lamanmi, yoki yordamchimi - farqi yo'q. Qanday lavozimda ishlashimdan qat'iy nazar klubga yordam bermoqchiman. "Paxtakor"ga sodiqman! - Raimovning o'yinini qanday baxolaysiz?
- Raimov uchun juda xursand bo'ldim. Boisi u Oliy ligada debyut qildi va bellashuvni xotirjam va ishonchli o'tkazdi. Bunday qiyin bellashuvda uning yoshida darvozani qo'riqlag ruhiy tarafdan oson emas. Yosh o'yinchilarga ko'proq ishonishda davom etamiz. Ammo ularga moslashish uchun vaqt kerak. Kattalar futboliga ko'nika olishadi deb o'ylayman. Raqobatdan xali hech kim yomon o'ynamagan. Yoshlarni o'ynatish bosqichma-bosqich asta-sekin amalga oshadi. Darxol 6-7 kishini maydonga tushirib bo'lmaydi. Xushnud Avilov 1998- yilda tug'ilgan. U ham juda yaxshi o'yin namoyish qildi. U futbolimiz kelajagi deb o'ylayman. Asosiy tarkibimizning uchta futbolchisi o'yinni qoldirishgani sababli tavakkal qilishga majbur bo'ldik. Yaxshiboev bir xaftadan so'ng mashg'ulotlarga qaytadi. Javohir Soxibovning jaroxati biroz og'irroq. U 3-4 oydan so'ng safga qaytadi. Sergeev endi tiklana boshladi. Boltaboevning ham shikasti jiddiy.
— deya xabar beradi uff.uz nashri.