Turinning "Yuventus" klubi bosh murabbiyi Massimiliano Allegri Italiya "A" seriyasi 34-turi doirasidagi "Atalanta"ga qarshi bahs oldidan o'z fikrlari bilan o'rtoqlashdi. "Futbolchilar o'yinga yaxshi tayyorgarlik ko'rishdi. Mazkur o'yinga qadar 5 kun hordiq chiqardik. Hozir hammasi joyida. Tez orada "Monako"ga qarshi o'ynaymiz, "Atalanta" ustidan g'alaba o'yin uslubimizning yanada mukammallashishiga yordam beradi. Ammo futbolda oldindan bir narsa deyish qiyin. Shuning uchun aytishim mumkin "Atalanta"ga qarshi bizni mavsumdagi eng qiyin va muhim bahslardan biri kutib turibdi. Undan keyin esa o'z maydonimizda "Torino"ga qarshi o'ynaymiz, bu o'yin xususida ham xuddi shunday fikrlar bildirish mumkin. Mavsumning eng tig'iz pallalariga etib keldik. Chempionatni birinchi o'rinda yakunlash uchun buyog'iga ochko yo'qotmaslik zarur» - deydi Allegri Football Italia nashriga.
— deya xabar beradi uff.uz nashri.