"Arsenal" klubi sobiq himoyachisi Sol Kempbell londonliklar safida Mesut O'zil va Aleksis Sanches ketishi mumkinligi haqida fikr bildirdi.
"Ularning ikkisi ham "Arsenal"da qolishini istayman, ammo yangi shartnoma borasida muzokaralar boshi berk ko'chaga kirib qolgan. Bu o'rinda pul katta o'rin tutadi, shu bois muzokara ko'p vaqt olishi turgan gap.
O'zilga yaxshi shartnoma taklif etishsa, imzolasa kerak. Ammo Sanches bilan vaziyat og'irroq. Uni katta pulga sotib olish istagida bo'lganlar ko'p, chunki u ajoyib futbolchi. Sanches muzokara cho'zilib ketgani bois boshqa klubga ketish istagida bo'lishi mumkin", - deydi Kempbell.
Eslatib o'tamiz, Sanches va O'zilning "Arsenal" bilan shartnomasi muddati 2018 yilning yozida yakuniga etadi.
— deya xabar beradi uff.uz nashri.