Myunxenning "Bavariya" klubi bosh murabbiyi Karlo Anchelotti jamoadagi holat haqida gapirib o'tdi. - Hech qaysi futbolchi menga nimadandir norozi ekanligini aytgani yo'q. Deyarli barcha futbolchi bilan har kuni muloqotda bo'laman va bo'lajak rejalar haqida fikr almashamiz. Rahbariyat esa meni birinchi kunimdan boshlab qo'llab-quvvatlab kelmoqda. "Bavariya" bilan o'rtamizda hech qanday muammo yo'q. Har bir murabbiy tanqidlar ostida yashaydi. Bu odatiy hol. Men xotirjamlikni saqlagan holda har bir o'yinimizni tahlil qilishda davom etmoqdaman. Endi iloji boricha tezroq Bundesligada g'alaba qozonishimiz kerak - deydi Anchelotti Goal.com portaliga bergan intervyusida.
— deya xabar beradi uff.uz nashri.