Yangier shahrida Baxtiyor Davlatov xotira turniri bo'lib o'tdi. Mazkur turnirda “Nasaf” futbol maktabining 2003 yilda tavallud topgan tarbiyalanuvchilaridan iborat jamoamiz ham ishtirok etdi. Mazkur tarbiyalanuvchilarimizga  Jasur Ibragimov va Umar Rahmatullaevlar murabbiylik qilishadi. “Nasaf-2003” jamoamiz  o'z guruhida etakchi bo'ldi. Ular guruhdagi to'rt uchrashuvda ham g'alaba qozonishdi  va turnir finali yo'llanmasini qo'lga kiritishdi. Tarbiyalanuvchilrimiz  bugun final uchrashuvida turnir mezbonlari - yangierlik tengdoshlariga qarshi maydonda saf tortishdi. Final uchrashuvi “Yangier” markaziy o'yingohida bo'lib o'tdi. Final uchrashuvida to'liq tashabbusga ega bo'lgan yosh futbolchilarimiz tengdoshlarini 3:1 hisobida mag'lubiyatga uchratishdi va bosh sovrin sohibiga aylanishdi. Uchrashuvdagi gollarga  Muhammad Abdumalikov, Javohir Abbosov, Shahzod A'zamovlar mualliflik qilishdi. Jamoamiz yarim himoyachisi Shahzod A'zamov raqiblar darvozasiga 8ta to'p kiritib, to'purarlar bahsida karvonboshi bo'ldi. E'tirof etish kerak, “Nasaf” futbol maktabi keyingi yillarda yosh futbolchilarni tayyorlash bo'yicha mamlakatimizning etakchilar qatorida bormoqda. Mana bunday futbol turnirlari yosh futbolchilarimizning ko'nikma olishida katta rol o'ynaydi.
— deya xabar beradi uff.uz nashri.