«Real» klubi himoyachisi Marselo «Valensiya»ga (2:1) qarshi kechgan uchrashuvdagi g'alabadan so'ng o'z fikrlari bilan o'rtoqlashdi. «Men xursandman. Biz juda muhim bo'lgan uch ochkoni qo'lga kiritdik. «Bernabeu»ga tashrif buyurgan ko'pchilik jamoalar bizga muammo tug'dirishni xohlaydilar. Bugun «Real» yurakdan o'ynadi va o'zining xarakterini namoyish eta oldi. Bizni madridlik muxlislar ko'z oldida mag'lub etish juda qiyin ish. Bugun har bir futbolchi o'yin oxirigacha kurashdi va bu odamga shijoat bag'ishlaydi», – deya Marselo so'zlarini keltirmoqda Marca nashri.
— deya xabar beradi uff.uz nashri.