Ispaniya chempionatining 35-turidan o'rin olgan «Espanol» – «Barselona» uchrashuvi o'z nihoyasiga etdi. Unda 0:3 hisobi qayd etilib, «Barselona»ning g'alabasi bilan yakun topdi. Uchrashuvning 50-daqiqasida Luis Suraes kataloniyaliklarni hisobda oldinga olib chiqdi. 76-daqiqada Ivan Rakitich jamoasining ikkinchi goliga mualliflik qildi. Uchrashuv yakuniga etayotgan bir vaqtda Luis Suraes o'z dublini nishonladi va o'yinga mantiqiy nuqtani qo'ydi. Shu tariqa ushbu g'alabadan so'ng «Barselona» ochkolari sonini 81 taga etkazib oldi va «Real»ni (81) to'plar nisbati bo'yicha ortda qoldirmoqda, biroq madridliklar hisobida bitta zaxira o'yini mavjud. Ispaniya chempionati, 35-tur Espanol – Barselona 0:3  Gollar: 0:1 – 50 Suares, 0:2 – 76 Rakitich, 0:3 – 87 Suares. Espanol – Lopes, Lopes, Reyes, Karikol, Xurado, Sanches, Xavi Fuego (Mark Roka, 79), Lopes Silva, Pyatti (Peres, 66), Moreno, Kaysedo (Baptistao, 61). Barselona – ter Shtegen, Umtiti, Pike, Alba, Serxi Roberto, Rakitich, Buskets, Andre Gomesh (Maskerano, 78), Neymar, Messi, Suares. Ogohlantirishlar: Moreno (14), Karikol (58), Xavi Fuego (68).
— deya xabar beradi uff.uz nashri.