“Qizilqum” – “Nasaf” (1:1) uchrashuvidan keyin navoiyliklar bosh murabbiyi Hamidjon Aktamov uchrashuv haqida shunday dedi: -“Nasaf” mamlakatimizning eng kuchli jamoalaridan biri hisoblanadi. Shu sabab bu bahsga jiddiy hozirlik ko'rgan edik. Garchi o'yinda hisobni ochgan bo'lsakda, yakunda g'alabani saqlab qola olmadik. Uchrashuv shiddatli, muxlislarbop kechdi, deb ayta olaman. Ayniqsa, ikkinchi bo'limda har ikkala jamoa gol kiritib, g'alaba qozonishga astoydil intildi. O'yin oxirida Allaniyazov ozgina aniqroq harakat qilganida, g'alaba qozonishimiz ham mumkin edi. O'sha vaziyatda omad bizdan yuz o'girdi.
— deya xabar beradi uff.uz nashri.