Antonio Kontening barcha o'yinchilari sog' va ertangi o'yinda ishtirok eta olishadi va murabbiy “Everton”ga qarshi o'yin uning shogirdlari uchun qiyin kechishini tan olmoqda. Kobxemda bo'lib o'tgan matbuot anjumanida “Chelsi” bosh murabbiyi xursandchilik bilan, uning barcha o'yinchilari sog' va “Everton”ga qarshi o'yinga tayyorligini aytib o'tdi. “Ko'klar”  “Gudison Park”da “Everton”ni mag'lub qilish niyatida ekanlar, har bir futbolchi ajoyib formada bo'lishi lozim. “ “Everton” – kuchli jamoa va ajoyib o'yinchilarga ega, - deydi Konte. – Ularda kuchli jismoniy tayyorgarlik ko'rgan jamoa yaxshi o'yin uslubiga ega va ular bilan ajoyib murabbiy ishlaydi. Ular juda yaxshi jamoaviy o'yin olib boradi va albatta bu o'yin biz uchun og'ir kechadi”. “Everton”ning “Gudison”da 9 g'alabadan iborat seriya, haqidagi savolga Konte shunday javob berdi: “Everton o'z maydonida juda ham kuchli o'yin namoyish qiladi. Biz bundan xabardormiz, lekin biz avvalambor o'z o'yinimizni to'g'ri tashkil etib, himoya va hujumda qanday o'ynashimiz kerakligi bilsak etarli”. “Ko'klar” bosh murabbiyidan mavsum to'purari Romelu Lukakuni qanday ushlab qolishini so'rashdi. “Lukaku – yaxshi futbolchi. U ushbu mavsumda juda ham ko'p gol urdi. Biz e'tiborli bo'lishimiz lozim bo'ladi. Xar doimgiday – biz raqibni o'rganib chiqamiz va ularni to'xtatish uchun eng yaxshi taktikani tanlaymiz. Biz nafaqat Lukakuga, balki barcha futbolchilarga qarshi e'tiborli bo'lishimiz lozim, zero “Everton” tarkibida uchrashuv taqdirini hal eta oladigan texnik futbolchilar talaygina”. Konte jamoasi qatorasiga 11 ta uchrashuvda to'p o'tkazib yuborayotgani haqida to'xtalib o'tdi. “Men statistikani yoqtirmayman, ammo buni e'tibora olish muhim. Ba'zida statistika aldamchi bo'ladi, ayniqsa to'pga egalik bo'yicha. To'pga juda ko'p egalik qilib o'yinni boy berib qo'yish xam mumkin. Shuning uchun ba'zi statistikalarni e'tiborga olish kerak emas. Ammo o'yinni quruq o'tkazish juda xam muhim. Biz 11 ta o'yinda darvozamiz daxlsizligini saqlay olmayabmiz. Biz to'p o'tkazib yuborayotgan vaziyatlar ustida ish olib bormoqdamiz. Men bu holatdan havotirda emasman, lekin himoyani kuchaytira olamiz”. Liverpul shahriga tashrifdan avval Konte o'z jamoasining “Sautgempton”ga qarshi o'yindagi yaxshi va salbiy jihatlarni o'rganib chiqqanini aytib o'tdi. Yana bir g'alaba nafaqat “Tottenxem”dan 4 ochko farqni saqlab qoladi, balki kelasi mavsumda Chempionlar Ligasi uchun yo'llanmani naqd qiladi. Kontening fikricha bu yutuq bilan faxrlansa bo'ladi, zero mavsum avvalida u aynan shuni ko'zlagan edi, Premer-Ligadagi raqobat har yilgidan xam qiyin edi. Endi italiyalik murabbiy jamoasini yanada oldinga chorlab Premer-Ligani birinchi o'rin bilan yakunlashga undamoqda. “Bu chempionatda 2 ta jamoa mavsumni ajoyib o'tkazmoqda. Ular mavsum oxirigacha sovrin uchun kurash olib borishini namoyish etmoqda. Albatta, ko'p kuch sarflab mavsum so'nggida qandaydir yutuq uchun kurash olib borayotganing juda yoqimli vaziyat. Biz uchun Premer-Liga va Angliya Kubogi ajoyib natija bo'ladi. Mavsumning bu pallasida barcha o'yinlar har xil sabablarga ko'ra qiyin kechadi. Sovringa ega bo'lish uchun har bir o'yinda g'alaba qozonish kerakligi, jamoalarga katta bosim bo'lib xizmat qiladi. Nafaqat bizga, balki, “Tottenxem” futbolchilari uchun xam”.
— deya xabar beradi uff.uz nashri.