Italiya chempionatining 34-turidan o'rin olgan «Roma» – «Latsio» uchrashuvi o'z nihoyasiga etdi. «Stadio Olimpiko»da kechgan Rim derbisida mehmonlarning qo'li baland keldi. Uchrashuvning 12-daqiqasida Balde Keyta «Latsio»ni hisobda oldinga olib chiqdi. Birinchi bo'lim yakunida hakam «Latsio» darvozisi tomon penalti belgiladi, o'n bir metrlik jarima to'pini Daniel De Rossi aniq bajardi va muvozanatni tikladi. Ikkinchi bo'lim boshida Dushan Basta mehmonlarni yana oldinga olib chiqdi. Uchrashuvning so'nggi daqiqalarida Balde Keyta o'z dublini nishonladi va «Latsio»ga muhim uch ochkoni keltirdi. Italiya chempionati, 34-tur Roma – Latsio 1:3  Gollar: 0:1 – 12 Keyta, 1:1 – 45, penalti de Rossi, 1:2 – 50 Basta, 1:3 – 85 Keyta. Roma – Shchensnii, Manolas, Emerson, Ryudiger, Fasio (Perotti, 64), Nainggolan, de Rossi (Totti, 73), Salax, Strotman, El-Shaaravi (Bruno Peres, 46), Djeko. Latsio – Strakosha, Bashtush, de Vrey (Xudt, 74), Uolles, Lukaku (Felipe Anderson, 43), Milinkovich-Savich, Lulich, Bigliya, Parolo, Keyta (Djordjevich, 87), Basta. Ogohlantirishlar: Bigliya (45), Xudt (81), Keyta (87), Parolo (90). Chetlatish: Ryudiger (90).
— deya xabar beradi uff.uz nashri.