Angliya chempionatining 35-turida «Manchester Yunayted» klubi «Old Trafford»da  «Suonsi» (1:1) bilan durang o'ynadi. Shunday qilib, munkunianliklar o'z mag'lubiyatsiz seriyalarini yana bittaga oshirdilar – «MYu» ketma-ket 25 o'yindan beri yutqazmayapti (13 g'alaba, 12 durang). Bundan tashqari, ushbu durang «qizil iblislar» uchun mavsumdagi 14-si bo'ldi. Bu esa APL rekordi hisoblanadi. Eslatib o'tamiz, ushbu duranglarning 10 tasi «Old Trafford»da yuz bergan. «Manchester Yunayted» o'z tarixida ikkinchi bor o'z maydonida shuncha durang qayd etmoqda. 1980/81-mavsumda 11 durang qayd etilgan edi.
— deya xabar beradi uff.uz nashri.