Angliya chempionatining 35-turidan o'rin olgan “Everton” – “Chelsi” uchrashuvi o'z nihoyasiga etdi. Unda 0:3 hisobi qayd etilib, londonliklarning g'alabasi bilan yakunlandi. Dastlabki bo'limda maydon egalarida bir qator vaziyatlar bo'ldi. Kurtua bir necha bor o'z mahoratini ko'rsatishiga to'g'ri keldi. “Chelsi“ esa tanaffusga qadar o'z o'yinini topa olmadi va Stekelenburg deyarli ishsiz edi. “Everton“ bo'lsa aksincha asosan to'pni o'z nazorati ostida ushlab, gol urishga yaqin keldi. Shunday bo'lsada, birinchi bo'limda hisob ochilmadi. Ikkinchi bo'limda Konte shogirdlari ancha jonlandilar, ammo “Everton“ ham bo'sh kelmadi va jiddiy qarshilik ko'rsatishda davom etdi. Biroq, 66-daqiqada Pedro tomonidan kiritilgan ajoyib gol barchasini o'zgartirish yubordi. Kuman shogirdlari ushbu goldan so'ng sarosimaga tushib qoldilar. Shundan so'ng, 79-daqiqada Keyxill ikkinchi to'pni kiritdi. Nihoyat, endigina zahiradan maydonga tushgan Villian Stekelenburgni uchinchi bor ranjitib, yakuniy natijani o'rnatdi – 0:3. Angliya chempionati, 35-tur Everton – Chelsi 0:3 (0:0, 0:3)
Gollar: 0:1 – 66 Pedro, 0:2 – 79 Keyxill, 0:3 – 86 Villian.
Everton – Stekelenburg, Djagelka, Beyns, Xolgeyt, Uilyams, Guye, Devis, Barkli, Lukaku, Valensiya (Kone, 72), Kelvert-Lyuin (Miralyas, 72).
Chelsi – Kurtua, David Luiz (Ake, 82), Keyxill, Alonso, Aspilikueta, Matich, Mozes, Pedro (Fabregas, 82), Kante, Azar (Villian, 85), Diego Kosta.
Ogohlantirishlar: Keyxill (35), Kelvert-Lyuin (38), Aspilikueta (40), Diego Kosta (56), Valensiya (58), Azar (75), Guye (78).
— deya xabar beradi uff.uz nashri.