«Inter» bosh murabbiyi Stefano Pioli Italiya chempionati doirasida «Napoli»dan uchralgan 0:1 hisobidagi mag'lubiyat haqida fikr bildirdi.
- Men har doim klub rahbariyati qo'llashini his qilmoqdaman. Ishlashda davom etmoqdamiz, oxirgi natijalar xursand qilmaydi (to'rt mag'lubiyat va ikki durang). Bugun «Napoli» kuchli pressing evaziga bizni maydonning qulay qismidan chiqara oldi. Bo'sh xudud topish esa oson bo'lmadi.
Ha, oxirgi natijalar yomon ko'rinish olgan, ammo bir oygina muqaddam hammasi yaxshi edi. Hozir jamoa shunchaki yaxshi o'rinlarda mustahkamlanib olishi lozim. «Inter» yangi davr arafasida, klubga yangi direktor keldi va yangi maqsadlar paydo bo'ldi. Hozir biz muhim ishlar uchun poydevor qo'ymoqdamiz, - deydi Pioli.
Eslatib o'tamiz, milanliklar Italiya chempionatida 34-turdan so'ng 7-o'rinda bormoqda.
— deya xabar beradi uff.uz nashri.