Mamlakat chempionatining 9-turidan o'rin olgan uchrashuvlarni boshqaradigan hakamlar ro'yxati ma'lum bo'ldi. Ushbu turda “Navbahor” Toshkentning “Lokomotiv” klubini qabul qiladi.
4 may kuni bo'lib o'tadigan o'yinni Ravshan Ermatov boshchiligidagi hakamlar brigadasi boshqarib boradi. Ermatovga qanotlarda poytaxtlik Abduhamid Rasulov va Jahongir Saidovlar yordam berishadi. Zaxiradagi hakam vazifasini gulistonlik Baxtiyor Yulcharaev bajaradi. Nazoratchilik esa buxorolik Ibrohim Sharipov zimmasiga yuklatilgan. Uchrashuvni PFL vakili sifatida kuzatib borish mahsadida Namanganga Bobir Haydarov tashrif buyuradi.
Jamoamiz a'zolari “Lokomotiv” bilan o'tadigan uchrashuvga tayyorgarlikka kechadan kirishishdi. 30 aprel kuni ikkinchi yarmida Namanganda to'plangan futbolchilarimiz bir mahallik mashg'ulotda qatnashishdi. Bugun kechki payt esa navbatdagi mashg'ulot o'tkaziladi.
— deya xabar beradi uff.uz nashri.