«Atletiko» klubi himoyachisi Diego Godin EChL yarim finalidan o'rin olgan «Real»ga qarshi o'yin oldidan o'z fikrlari bilan o'rtoqlashdi. «Biz yaxshi harakat qilmoqdamiz, jamoaning formasi eng yuqori darajada va asabiy kechishi kutilayotgan o'yinga ruhan tayyormiz. Xuddi shu ruhda davom etishimiz kerak. Ushbu musoboqada iloji boricha uzoqroq qolishni xohlaymiz. «Atletiko»da tayyorgarlik ko'rish uchun u qadar ko'p vaqt bo'lmadi. Biz bir necha kun oldin o'yin o'tkazdik. Ammo «Real»ni va uning buyuk o'tmishini juda yaxshi bilamiz. Biz oldingi o'yinlardagi mag'lubiyatlardan etarli xulosa chiqarganmiz. Ushbu bahsda jamoalarning kuchlari teng deb hisoblayman. Umuman, yarim finalga etib kelgan barcha jamoalar, ushbu bosqichda o'ynashga loyiqlar. Safarda o'ynayotganda gol urish muhim ahamiyat kasb etadi. Biz aynan shuni amalga oshirmoqchimiz», – deydi Godin.
— deya xabar beradi uff.uz nashri.