Krishtianu Ronaldu «Bavariya»ga qarshi kechgan chorak finalning ilk o'yinida evrokuboklar doirasida 100ta gol marrasiga etgan birinchi goleador bo'lgandi. Portugaliyalik futbolchi «Santyago Bernabeu»dagi javob bahsida esa «xet-   trik»ka erishdi va EChL tarixida ham 100ta gol urgan yagona futbolchiga aylandi. Unga 100lik dovonidan oshishi uchun 137ta o'yin kifoya qildi. Ronalduning asosiy raqibi - Lionel Messi ham bu marrani zabt etish imkoniga ega, faqat keyingi mavsumda... Tan olish kerak, Krishtianu  «MYu»da o'ynagan payt bunday mahsuldorligi bilan ajralib turmasdi. ChL tarixidagi eng yaxshi to'purarlar Ronaldu va Messiga raqobat taqdim etishi mumkin bo'lgan yagona futbolchi - bu Karim Benzema. Robert Levandovski («Bavariya», 40ta), Tomas Myuller («Bavariya», 39ta), Edinson Kavani («PSJ», 25ta) va Neymar («Barselona», 21ta) kabi saviyali hujumchilarning goleadorlar ro'yxatida yuqori o'ntalikka kirishlari uchun esa biroz vaqt kerak. Ma'lumot o'rnida aytish joiz, ChL tarixida jami 54 nafar futbolchi 20ta yoki ko'proq gol urgan. Futbolchi Gol O'yin Muddat Klublari 1. Krishtianu RONALDU 100 137 2003-... «MYu», «Real» 2. Lionel MESSI 94 115 2005-... «Barselona» 3. RAUL' Gonsales 71 142 1995-2011 «Real», «Shalke» 4. Ruud van NISTELROY 56 73 1998-2009 PSV, «MYu», «Real» 5. Karim BENZEMA 51 92 2006-... «Lion», «Real» 6. Terri ANRI 50 112 1997-2010 «Monako», «Arsenal», «Barselona» 7-8. Andrey ShEVChENKO 48 100 1994-2012 «Dinamo» K., «Milan», «Chelsi» 7-8. Zlatan IBRAGIMOVICh 48 119 2001-2016 «Ayaks», «Yuventus», «Inter», «Barselona», «Milan», «PSJ»   Son va sifat uyg'unligi «Real» va Krishtianu uchun joriy mavsum hisobidan oldinda hali kamida yana 2ta o'yin borligini inobatga olsak, uning gollari soni oshishi ehtimoli yuqori. E'tiborli tomoni, portugaliyalik futbolchi 2016 yilning 27 sentyabr kuni joriy mavsum guruh bosqichi doirasidagi o'yinda «Borussiya» D. darvozasini ishg'ol qilganidan keyin naq 6ta uchrashuvdamaydonni golsiz tark etgandi. Xullas, u «Bavariya»ga qarshi ilk o'yinda qora seriyasiga barham berish barobarida yana avvalgi mahsuldorligini tikladi (2ta o'yinda 5ta gol). Aytgancha, Ronaldu mavsum-2013|2014da 17ta gol urgandi va bu ko'rsatkich turnir uchun hamon rekord bo'lib turibdi. Mavsum Gol Klubi Gol 2006|2007 3 «MYu» 15 2007|2008 8 «Real» 85 2008|2009 4 2009|2010 7 Bosqich Gol 2010|2011 6 Guruh 51 2011|2012 10 1|8 final 20 2012|2013 12 1|4 final 17 2013|2014 17 1|2 final 10 2014|2015 10 Final 2 2015|2016 16 2016|2017 7
Ahamiyat bo'yicha DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.