Italiya futbol federatsiyasi intizom qo'mitasi "Peskara" yarim himoyachisi Salli Muntarini bir o'yinga diskvalifikatsiya qildi.
Ganalik yarim himoyachi "Kalyari"ga qarshi kechgan bahsda (0:1) irqchilik ruhiyatidagi haqoratlarga javoban maydonni o'zboshimchalik bilan tashlab chiqqan edi. 32 yoshli yarim himoyachi 89 daqiqada hakam Daniele Minelliga haqoratlardan shikoyat qilgan va o'yinni to'xtatishni iltimos qilgan. Biroq futbolchi bu iltimosi uchun sariq kartochka bilan jazolangan, hakam Muntarining gaplarini eshitmay qolgani aytilmoqda.
Intizom qo'mitasi tomonidan Muntarining sariq kartochkasi ham kuchdi qoldirildi, shu bois u "Peskara"ning "Krotone"ga qarshi kechadigan navbatdagi baxsida maydonga tusha olmaydi.
"Kalyari" esa har qanday turdagi jazodan qutulib qoldi, chunki hakam o'z qaydnomasiga irqchilik ruhiyatidagi haqoratlarni 10 kishi baqirganini keltirgan. Bu esa stadiondagi muxlislarning bir fozini ham tashkil etmaydi.
— deya xabar beradi uff.uz nashri.