Madridning "Real" klubi bosh murabbiyi Zinedin Zidan EChL yarim finalida "Atletiko"ga qarshi kechgan bahs (3:0) haqida fikr bildirdi.
"Krishtianu tug'ma to'purar. U boshqacha futbolchi. Hamma o'yinchilar yaxshi o'ynadi. Bugun Isko "o'nlik"da harakat qildi va o'z ishini ajoyib tarzda bajardi. Asensio va Lukas Vaskes ham yorqin o'yin namoyish qildi. Ammo himoyada ham hujumdagidan kam o'ynamadik. Har bir futbolchining o'yinidan mamnunman.
Biz hali hech narsa yutmadik. Bu qadar kuchli raqibga uchta gol urish va birorta o'tkazib yubormaslik oson emas. Endi shu tahlit ishlashda davom etish lozim. Bizning qurolimiz bilan har qanday raqibni engsa bo'ladi.
Jamoamdagi futbolchilar borasida omadim kelgan. O'z o'yinimizni namoyish etishda davom etamiz. U ish bermoqda, chunki tarkibda o'z ishini biladigan ajoyib futbolchilar bor", - deydi Zidan.
— deya xabar beradi uff.uz nashri.