Argentina terma jamoasi hujumchisi Lionel Messi JCh saralashi 13 turida Chiliga qarshi kechgan o'yindagi holat bo'yicha tushuntirish berish uchun FIFA qarorgohiga bormaydigan bo'ldi.
Xabar qilinishicha, Messi FIFA xodimlari bilan videokonferentsiya orqali muloqot o'tkazadi. Hujumchi Tsyurixga bora olmasligini shaxsiy sabablar bilan tushuntirgan. Eslatib o'tamiz, Messi Chiliga qarshi kechgan bahsda yon qanot hakamini haqorat qilgani uchun 4 ta o'yinga chetlatilgan edi.
Ammo hujumchi hakamni haqorat qilmagani, balki havoga gapirganini aytib, ayblovni inkor etmoqda. Uning maqsadi diskvalifikatsiya muddatini kamaytirishdan iborat.
Eslatib o'tamiz, Messi shundan so'ng Boliviyaga qarshi kechgan o'yinda maydonga tusha olmadi. O'sha bahsda Argentina 0:2 hisobida mag'lub bo'lgan va ayni vaqtda 22 ochko bilan musobaqa jadvalida 5-o'rinda bormoqda.
— deya xabar beradi uff.uz nashri.