Qozog'istonning Almati shahrida tennis bo'yicha o'smirlar o'rtasidagi xalqaro turnirning asosiy to'r bahslari davom etmoqda.
Almaty Open musobaqasining o'g'il bolalar o'rtasidagi bahslarida 3 nafar tennischimiz ilk davrada g'alabaga erishib, ikkinchi bosqich yo'llanmasini qo'lga kiritishdi.
Turnirning birinchi raketkasi bo'lgan hamyurtimiz Odil Karimov ilk bosqichda mezbonlar vakili Nikita Sidorovni 7:5, 6:3 hisobida taslim etdi. Uning ikkinchi davradagi raqibi rossiyalik Maksim Maslov bo'ladi.
Iskandar Karimov turnirning uchinchi raketkasi, rossiyalik Akshin Mextievni 6:4, 6:3 hisobida engib, kichik shov-shuv sababchisiga aylandi. Bekzod Rasamatov esa qozog'istonlik Alibek Aldaralidan 6:2, 6:1 hisobida ustun keldi.
Manba: olamsport.com
— deya xabar beradi uff.uz nashri.