Leonardu Jardim «Monako»da yangi taktik sxemani amalga tatbiq etganidan keyin nafaqat klubning o'yin uslubi, balki futbolchilar, ularning professional ishga nisbatan munosabat-yondashuvlari ham keskin o'zgardi. Natijada knyazlik jamoasi ham ichki chempionat, ham EChLdek nufuzli, raqobatbardosh turnirda birdek muvaffaqiyatli to'p surmoqda. Xususan, Bernardu Silva yangi taktik chizmalarga osongina moslashdi va hozirda o'z so'zini baralla aytmoqda. Misol uchun, bosh murabbiy Leonardu Jardim «Renn»ga qarshi uchashuvda ilk marta 4-2-2-2 taktik sxemasiga murojaat etib, uni sinovdan o'tkazgandi. Joriy mavsum barchani lol qoldirayotgan mutaxassis keyingi turda yosh yarim himoyachi Bernardu Silvaga ham imkoniyat berdi. Bu futbolchi uchun Frantsiya oliy divizioni doirasidagi 6ta tur ichida 3-marta pozitsiya almashtirish edi. Xullas, portuga-liyalik yarim himoyachi bungacha chap qanot vingeri va «10-raqam» (4-2-3-1 taktikasida) rolini bajarib ko'rishga ulgurgandi. Murabbiy uning oldiga 4-2-3-1 taktik chizmasidan foydalanilganda, ko'zga tashlangan kamchilik-lar - to'pni tez-tez yo'qotib qo'yish va keragidan ortiq ushlab qolish hollariga barham berish vazifasini qo'ydi. Mana, jamoa Jardim yo'lga qo'ygan yangi uslubga daxldor ko'rsatmalarni risoladagidek bajarish evaziga turli kamchiliklardan forig' bo'ldi, Silva esa sxemaning muhim bo'g'iniga aylandi. Xullas, Bernardu o'zining sevimli rolini egallab, pleymerker pozitsiyasida to'p sura boshladi. Oddiy aytganda, uning qarshisida azaliy orzusi - maydondagi erkinlik va kenglik yuzaga keldi. O'smirlar jamoasida Silvaga ustozlik qilgan murabbiy Xelena Koshta uning o'yin uslubi xususida shunday degandi: «Bernardu ajoyib o'yin uslubiga ega. Bu shogirdimni qanot vakili emas, balki «10-raqam» rolida tasavvur qilyapman. U deylik, Ronaldudan farqli o'laroq, ancha bosiq, xotirjam to'p suradi. Xususan, ko'proq o'z o'rnida qolishga moyilki, bu taktik ishlanmalarni maromiga etkazishda juda muhim sanaladi». Endi jahon futbolidagi eng ilg'or agentlardan biri Jorje Mendeshning futbolchi haqidagi fikrlariga e'tibor qarating: «Bernardu jismoniy ko'rsatkichlar nuqtai nazaridan aynan «Barselona» uslubiga juda mos tushadi. To'g'ri, u hozircha o'z xatti-harakatlarini to'liq nazorat qilish qobiliyatiga ega emas. Shuningdek, statistik ko'rsatkichlari hali ancha past». Ha, taniqli agentning mulohazalariga qo'shilmaslikning iloji yo'q. Faqat shuni alohida qayd etish o'rinliki, Silva joriy mavsum o'zi istagan uslubda harakatlanmoqda. 4-2-2-2 taktik chizmasining o'ziga xos tomoni bor: harakat yo'nalishlari rejadagidek bo'lishi ta'minlansa, raqibning himoya va tayanch yarim himoya chiziqlari o'rtasida sezilarli bo'shliq yuzaga keladi. Ya'ni himoyachilar 2 nafar hujumchini, tayanch hududidan joy olganlar esa markaz orqali olg'a intiladiganlar yo'llarini yopish bilan shug'ullanishadi. «Monako»da Toma Lemar ko'pincha Silvadan orqaroqda o'ynamoqda. Shu tariqa chiziqlar o'rtasidagi kenglikni yolg'iz portugaliyalikning o'zi nazorat qilmoqda. Joze Mourinoning fikriga ko'ra, vertikal futbol taktikasida tezkor futbolchilar samaradorligini oshirish uchun o'rta zonadagi o'yinchilardan biri to'pni o'zida ushlab turishi va kerakli payt aniq uzatmani amalga oshirishi kerak. Tabiiyki, buning uchun alohida iqtidor talab etiladi. Agar shunday futbolchi topilsa, jamoaning barcha chiziqlari o'rtasida uyg'unlik ta'minlanadi. Portugaliyalik mutaxassis misol tariqasida Xuan Matani tilga olgandi. Knyazlik klubida esa bu rolni aynan Bernardu sharaf bilan bajarmoqda. Jamoa tayanch yarim himoyachisi Fabino ham aynan shu holatni ta'kidlagandi: «Bernardu o'yin uslubimizga ijobiy o'zgarishlar kiritmoqda, u to'pni xotirjam qabul qilish uchun doimo eng maqbul pozitsiyaga chiqish iqtidoriga ega». Albatta, yarim himoyachi to'pni egallab olganidan keyin bir qator variantlardan foydalanishi mumkin. U istasa, to'pni qanotlar yoki markazga uzatish orqali keskinlikni oshiradi. Buning uchun qulay vaziyat yuzaga kelmagan taqdirda esa, Lemar bilan kombinatsiya uyushtirishi mumkin. Umuman, Bernardu yaqin masofalarga qisqa to'p uzatishlar barobarida qarama-qarshi qanotlar tomon diagonal uzatmalarni ham aniq bajarish hadisini olgan. Leonardu Jardim mazkur uslubni ham joriy mavsumda yo'lga qo'ydi. Deylik, DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.