Evropa Chempionlar ligasining yarim final ilk bahsidan o'rin olgan uchrashuvda «Real Madrid» «Santyago Bernabeu» stadionida «Atletiko»ni tor-mor keltirdi. O'yin haqida O'yinning birinchi bo'limida Qirollik klubi vakillari ko'plab hujumlar uyushtirdilar va portugaliyalik hujumchi uchrashuvning 10-daqiqasidayoq jamoasini oldinga olib chiqdi. Shundan keyin muxlislar birinchi bo'limda boshqa gol ko'rmadilar, hamda taymning oxiri Dani Karvaxalning jarohat olgani bilan esda qoldi. Ikkinchi bo'limda o'yin tempi biroz tushdi va «Real» raqib darvozasi yonida xavfli vaziyatlarni kam sodir etdi, biroq bu holat maydon egalarining ikkinchi goliga qadar davom etdi. Uchrashuvning 73-daqiqasida Krishtiano o'yindagi dublini nishonladi, 86-daqiqada esa o'zining va jamoasining uchinchi golini kiritdi va «Real»ga yirik hisobdagi g'alabani taqdim etdi. Statistika va reyting Uchrashuvda futbolchilarga qo'yilgan ballar bilan tanishing: Turli ko'rsatkichlar bo'yicha top-5: Raqamlar, rekordlar va qiziqarli faktlar Ronaldu EChL pley-offida ketma-ket ikki bor xet-trik qayd etgan ilk futbolchiga aylandi; Ronaldu «Real» safidagi 400-golini kiritdi (La ligada – 281 ta, EChL – 88, Ispaniya Kubogi – 22, Klublar o'rtasidagi JCh – 4, Evropa Superkubogi – 2, Ispaniya Superkubogi – 3); Ronaldu EChL yarim finallaridagi 13-golini kiritdi va bu boradagi rekordni yangiladi; Ronaldu «Atletiko»ga qarshi kechgan o'yinlarda eng ko'p gol (21) urgan futbolchiga aylandi; Ronalduning EChLdagi gollari 103 taga etdi va bu butun musoboqa davomida «Atletiko»ning kiritgan gollari (100) sonidan ko'pdir; Ronaldu EChL guruh bosqichining olti o'yinida bor yo'g'i 2 ta gol kiritdi, pley-offning beshta uchrashuvida esa 8 ta! Xulosa o'rnida «Madrid» o'z maydonida ideal o'yin namoyish etdi. Qirollik klubi futbolchilarining har biri Shveytsariya soatlaridek aniqlikda ishladi. «Atletiko» birinchi bo'limda raqibiga ancha-muncha imkoniyatlarni taqdim etdi. Mehmonlar faqatgina tezkor qarshi hujumlargagina umid qildilar. Simeonening qarshi hujumga qaratilgan taktikasi deyarli o'xshamadi. Faqatgina bir vaziyat: Kevin Gameyroning birga-bir chiqqan holati bundan mustasno. «Atletiko» futbolchilarini pitbul itlariga o'xshatishadi, ular o'tkir tishlari bilan raqiblarini qattiq tishlaydilar va 90 daqiqa davomida qo'yib yubormaydilar. Biroq, «Atletiko» «Bernabeu»da Godin, Gabi, Koke va boshqa «tish»larini ko'rsata olmadi. Ikkinchi bo'limda mezbonlar to'pni raqibga topshirdilar, ammo «Atletiko»dagi vaziyat o'zgarmadi. 0:1 – «Atletiko»ga ikki o'yinli bahs uchun qoniqarli hisob edi va mehmonlar buni juda yaxshi tushinib turgan edilar. «Atletiko» tavakkal qilish va gol kiritishga urinishdan ko'ra, hotirjam o'ynab, hisobni ushlab qolishga urindi. Krishtianoning bir o'zi o'yin taqdirini hal qildi. «Atletiko» mana shu o'yini bilan «Visente Kalderon»da hech qanaqasiga hozirgi «Real»ga uchta gol kirita olmaydi, ishonavering. Shunday ta'surot uyg'onmoqdaki, Evropada Zinedin Zidan jamoasiga qarshilik qila oladigan faqatgina birgina klub qoldi. O'sha jamoa Kardif tomon qadam tashlash uchun bugun «Lui II» stadionida o'yin olib boradi. Tan olaylik, «Monako» va Mbappe hozirgi «Real» hamda Krishtianoning yo'lini to'solmaydi. Qolgan jamoalarga hurmatni saqlagan holda shuni aytish mumkinki, finalda «Real» – «Yuventus» qarama-qarshiligini ko'rish juda qiziq bo'lardi... HALA MADRID!!!
— deya xabar beradi uff.uz nashri.