1 may kunidan boshlab FUTBOL TV telekanalini Toshkent shahri va Toshkent viloyatidan tashqari, Andijon, Namangan, Farg'ona, Samarqand va Jizzax viloyatlarida ham tomosha qilish imkoni paydo bo'lgani haqida xabar bergandik. O'tgan ikki kun davomida FUTBOL TV telekanali signal qamrovini kengaytirish borasida zarur texnik chora-tadbirlar davom ettirildi. Kechadan boshlab FUTBOL TV telekanali Sirdaryo, Buxoro, Navoiy, Qashqadaryo, Surxondaryo, Xorazm viloyatlari va Qoraqalpog'iston Respublikasida ham ishga tushdi. Endilikda O'zbekistonning barcha viloyatlarida hamda Qoraqalpog'iston Respublikasida FUTBOL TV telekanalini tomosha qilish imkoniyati mavjud. FUTBOL TV telekanali orqali jahon va Evropaning eng qiziqarli futbol uchrashuvlari, shuningdek, futbolga oid turli ko'rsatuvlar muxlislar e'tiboriga havola etib boriladi. FUTBOL TV telekanalida syurprizlar mavsumi davom etadi! Kuzatishda davom eting!
— deya xabar beradi uff.uz nashri.