Madridning "Real" klubi sobiq darvozaboni Iker Kasilyas haqida hujjatli film suratga olindi.
Unda Kasilyas faoliyati bilan bog'liq turli holatlarni eslab o'tgan. Shuningdek "Real"ning sobiq bosh murabbiyi Joze Mourino bilan yuzaga kelgan kelishmovchilik haqida ham fikr bildirgan. Eslatib o'tamiz, Kasilyas "Barselona"ning sobiq futbolchilari Xavi Ernandes va Karles Puyollar bilan gaplashib olgach, Mourino bilan o'rtasida mojaro bo'lib o'tgan edi. Kasilyas "Real" va "Barselona" o'rtasidagi kelishmovchilik Ispaniya terma jamoasiga ta'sir o'tkazmasligi uchun shunday yo'l tutgan.
"Men ular bilan bosh egish uchun gaplashib olmagan edim. Shunchaki, o'sha vaqtda vaziyat haddan ortiq darajada keskinlashib ketgandi va bunga yo'l qo'yib bo'lmas edi.
Shundan so'ng murabbiy tomonidan menga bo'lgan e'tibor ortib ketdi, ammo men klub manfaatidan kelib chiqib indamay turishga majbur edim. Mourino bilan boshqa ko'plab futbolchilar ham kelisha olmas edilar, ammo baloga men qoldim. Shunga qaramay, men klub rahbariyati bilan gaplashib olishni istamadim", - deydi Kasilyas.
— deya xabar beradi uff.uz nashri.