"Real" hujumchisi Krishtianu Ronaldu faoliyatining oxirida AQSh yoki Qatarga ketish niyatida emasligini bildirdi.
"Men futboldan yuqori saviyada o'ynagan holda ketishni istayman. Faoliyatimni munosib tarzda, kuchli klubda yakunlamoqchiman. Bu bilan AQSh yoki Qatar etarlicha yaxshi emas, demoqchi emasman. Ammo men bunday variantni o'zimga ep ko'rmayapman.
Shuningdek menda murabbiy bo'lish niyati ham yo'q. Men o'z brendimni rivojlantirish yo'lida ishlamoqchiman. Oyoq kiyim, ich kiyim va futbolkalarimni yanada targ'ib qilmoqchiman. Shuningdek menda rivojlanish uchun yana ko'plab g'oyalar bor", - deydi Ronaldu.
— deya xabar beradi uff.uz nashri.