Ispaniya sudi "Barselona" hujumchisi Neymar 2013 yilda "Santos"dan kataloniyaliklar safiga o'tgani yuzasidan surishtiruv ishi o'tkazishni rejalashtirmoqda.
"Barselona" prezidenti Jozep Bartomeu, sobiq prezident Sandro Rosel va klubning o'zi sudga tortiladi. Sud ishi boshlanishiga Neymarning transferining bir qismiga egalik qilgan Braziliyadagi sarmoyadorlik kompaniyasi tomonidan berilgan ariza sabab bo'lgan.
Neymar "Barselona"dan "Santos"ga o'tganida transferning bir qismi sarmoyadorlik kompaniyasiga o'tishi kerak edi. Ammo transfer qiymati kam ko'rsatilgani da'vo qilinmoqda.
Ayblanuvchilarda himoya tashkil etish uchun 10 kunlik muddat bor. Tovon puli esa 3,7 million dollarga baholanmoqda.
Shu bilan birga ayblov Neymarga 2 yillik qamoq jazosi va 10 million dollar jarima belgilanishini so'ramoqda. Ammo braziliyalik hujumchi ozodlikdan mahrum qilinmaydi. Chunki Ispaniya qonunchiligiga binoan agarda ayblanuvchi ketma ket jinoyat qilmagan bo'lsa bu muddat shartli ravishda o'talishi mumkin.
— deya xabar beradi uff.uz nashri.