Kataloniyaning ikki jamoasi "Barselona" va "Espanol" qarama-qarshiligi muxlislarni befarq qoldirmaydi. Biz mazkur ikkala jamoa tarkibida ham to'p surishga muvaffaq bo'lgan futbolchilar haqida so'z yuritishga qaror qildik.
Rikardo Zamora
Zamora 1916-1919 yillar mobaynida "Espanol" tarkibida to'p surgan. U 3 mavsum ichida 1 marta Kataloniya chempioni bo'lgan. Shundan so'ng, u 1919-1922 yillarda "Barselona" sharafini himoya qildi va bu jamoa bilan birgalikda 3 marta Kataloniya chempionatida 2 bora Ispaniya kubogida zafar quchdi. Rikardo 1922 yili yana "Espanol"ga qaytdi va jonajon jamoasi libosida 8 mavsum to'p surib, chempionat va kubokda yana oltin medallarga sazovor bo'ldi. Eng qizig'i Zamora shundan keyin Madridning "Real" jamoasida 6 mavsum harakat qilgan.
Zoltan Tsibor
1958 yilgi jahon chempionatidan so'ng Tsibor "Barcelona" bilan shartnoma tuzdi. Vengriyalik hujumchi kataloniyaliklar safida 3 mavsum mobaynida chempionatda 38 uchrashuvda 17 ta to'p kiritib, ikki marta oltin medalni qo'lga kiritdi. Zoltan 1961 yilda "Espanol"ga yo'l oldi. Biroq uning ishlari orqaga keta boshladi. Chempionatda 10 o'yinda 2 ta gol urgan hujumchi vataniga qaytishga majbur bo'ldi.
Ladislau Kubala
3 ta mamlakat sharafini himoya qilgan yagona futbolchi hisoblanadigan Kubala "Barcelona"da omadli yillarini o'tkazgan. Ladislau 1951 yilda klub libosini kiydi va 10 yil mavsum mobaynida o'z hisobiga 194 ta gol yozdirib qo'yib, 4 marta La liga chempioni bo'ldi. Kubala 1961 yili "Espanol"ga o'tishga qaror qildi. Kataloniyaning ikkinchi jamoasida 7 gol urgan futbolchi keyinchalik Shveytsariyaga ko'chib o'tishga qaror qildi.
Kaetano Re
"Barsa" 1962 yili "Elche"dan Reni sotib oldi. Iqtidorli hujumchi 4 mavsumda La ligada 56 ta golga mualliflik qildi. Jamoa bilan ispaniya kubogi va UEFA kubogida zafar quchdi. Shuningdek 1965 yili Ispaniya chempionatining eng sermahsul futbolchisiga atalgan sovringa ega chiqdi. Kaetano 1966 yili "Espanol"ga o'tdi va 5 mavsumda mazkur jamoa uchun atigi 23 ta gol urib, faoliyatiga yakun yasadi.
Xaver Urrutikoechea
"Real Sosedad" tarbiyalanuvchisi 1977 yili "Espanol"ga yo'l oldi. U 4 mavsumda La ligada 121 ta uchrashuvda klub darvozasini ishonchli tarzda qo'riqladi. Xaverni shundan so'ng "Barselona" sotib oldi. U "ko'k-anorranglilar" tarkibida 7 mavsum to'p surib, jamoaning Ispaniya chempionati, kubogi, superkubogi, Kubok egalari kubogi musobaqalaridagi muvaffaqiyatlariga munosib ulush qo'shdi. Davomi>>
— deya xabar beradi uff.uz nashri.