Mamlakatimizdan turli davrlarda mahoratli darvozabonlar etishib chiqishgan. Pavel Bugalo, Oleg Belyakov, Anvar Jab-borov, Ignatiy Nesterov... Ushbu ro'yxatga «Nasaf» kiperi Eldor Suyunovni ham bemalol kiritish mumkin. Milliy termamiz a'zosi hisoblangan posbon bugungi kunda qarshiliklarning etakchi vakiliga aylanib ulgurgan. Biz navbatdagi tur o'yinlaridan so'ng Suyunovni suhbatga tortib, turli mavzudagi savollarimizga javob oldik. - Chempionatimizda kutilmagan natijalar etarlicha qayd etildi. Bu holat shaxsan siz uchun «syurpriz» bo'lyaptimi? - Albatta, barcha qatori men uchun ham aksariyat o'yinlarda qayd etilayotgan natijalar kutilmagan bo'lyapti. - Qaysi jamoalarni alohida ta'kidlagan bo'lardingiz? - Hech bir klubni alohida ko'rsatmayman. Shaxsiy fikrimcha, barchasi taxminan 10-turdan so'ng o'z joyiga tushadi. - «Paxtakor»ning o'yini hamda qayd etayotgan natijalari haqida nima deya olasiz? - Men «Nasaf» futbolchisiman. Shu sababli, boshqa jamoa to'g'risida gapirishdan o'zimni tiyaman. - «Paxtakor»ga chempionat boshlanishi oldidan «Nasaf» uchun asosiy raqiblardan biri sifatida qaralgandi. Shuni nazarda tutib so'ragan edim. - To'g'riku-ya, lekin biz hozir o'z o'yinimizga e'tibor qaratishimiz lozim. - Jarohatdan to'liq forig' bo'ldingizmi? - Shukrki, hammasi ortda qoldi, o'zimni ancha tetik his qilyapman. - Eldor, Qarshidagi «Markaziy» stadionda katta hajmdagi qurilish va bunyodkorlik ishlari olib borilyapti. Sizlarga uy o'yinlarini G'uzorda o'tkazish qiyinchilik yoki noqulaylikni yuzaga keltirmayaptimi? - Biz futbolchilarga buning unchalik ham ahamiyati yo'q. Hech qanday qiyinchilik yoki noqulaylikni yuzaga keltirmayapti. Lekin muxlislarimizga ancha qiyin bo'lmoqda. Qarshi shahridan bir necha kilometr yo'l yurib, G'u-zorga borish oson emas. - Milliy terma jamoamiz JCh-2018 final bosqichiga chiqish uchun kurashni davom ettiryapti. Guruhda 3ta murakkab o'yin qoldi. Vaziyatga real qarab, hozirgi holatimizga qanday baho berasiz? - Imkoniyat bor ekan, undan maksimal darajada foydalanib qolish shart. Eng muhimi, hammasi o'z qo'limizda. Demak, oxirigacha kurashamiz. - Suriya termasidan qabul qilingan mag'lubiyatni hali esdan chiqarmagandirsiz? - Darhaqiqat, yutqazish juda alam qildi. Hech bo'lmasa, durang natija saqlanib qolinganida ham hozir Janubiy Koreya jamoasi bilan ochkomiz bir xil bo'lardi. - Navbatdagi o'yindagi raqibimiz - Eron termasini nimaning evaziga mag'lub etish mumkin? - Buni bilmadim. Hozircha eronliklar saralashning ushbu bosqichida hech bir jamoaga yutqazishmadi. Hattoki, o'z darvozalaridan hali gol ham o'tkazib yuborishmadi. Balki, bu an'anaga bizning futbolchilar chek qo'yishar?! Bosh murabbiy o'z yordamchilari bilan uchrashuvga to'g'ri taktika tanlay oladi, degan umiddaman. Tehrondagi o'yin guruhdagi ko'p savollarga javob beradi. DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.