Londonning «Arsenal» klubi yarim himoyachisi Mesut O'zil ishtiyoqsiz va tajovuz o'yin namoyish etmasligi haqidagi tanqidlarga javob berdi.
- Mening o'yinim kimgadir yoqadi, kimgadir esa yo'q. Kimdir menga baribir, deb o'ylaydi. Ammo mening o'yin uslubim shunaqa va nimanidir o'zgartirishga endi kech.
Mendan har doim ko'prog'ini kutishgan, chunki men o'yin taqdirini hal qila oladigan futbolchiman. Bunga ko'nikish lozim. Tanqidchilar har doim topiladi va maqtaydigan ham. Ammo faqat murabbiyning fikri men uchun muhim va buni ko'p aytganman.
Odamlarning gapiga esa tushunmayman. Mening statistikamga qarang va qancha ko'p yugurib, katta ishtiyoq bilan to'p surishimni ko'rasiz, - deydi O'zil.
Eslatib o'tamiz, yarim himoyachi joriy mavsum «Arsenal» tarkibida 38 uchrashuvda 11 ta gol urib, 11 ta golli uzatmani amalga oshirgan.
— deya xabar beradi uff.uz nashri.