Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Mirjalol Qosimov: Chempionlar ligasi yo'llanmasini qo'lga kiritishga harakat qilamiz
«Bunyodkor» klubi yangi bosh murabbiyi Mirjalol Qosimov bugun matbuot anjumanida ishtirok etdi va jurnalistlar savollariga javob berdi.
- Barchangizga ma'lumki, “Bunyodkor” men uchun begona jamoa emas. Bungacha jamoaga ustozlik qilgan Sergey Lushchanga yoshlarni tarbiyalashda ko'rsatgan mehnatlari uchun minnatdorchilik bildirib o'tmoqchi edim. Uning keyingi faoliyatiga omad tilayman. Murabbiylarning qismati shunday bo'ladi: futbolda g'alaba va mag'lubiyat yonma-yon yuradi. Ortda qolgan ikki yil davomida sog'ligimni tiklab oldim, klublarimiz va terma jamoalarimiz ishtirokidagi uchrashuvlarni kuzatdim.
Hozirgi qiyin holatda OAV vakillaridan jamoamiz futbolchilariga dalda bo'lib, ularni qo'llab-quvvatlashlarini iltimos qilib qolardim. Sir emaski, bugungi kunda deyarli hamma internet saytlari va gazetalarni o'qishadi, televizor ko'rishadi yoki radio eshitishadi. Kelayotgan dushanba kuni jamoamiz Osiyo Chempionlar ligasi 6-tur uchrashuvini o'tkazadi. Shundan so'ng, bor e'tiborimizni ichki musobaqalarga qaratamiz. To'g'risini aytganda, jamoa ichidagi holatdan xabardor emasman. Shak-shubhasiz, tarkibimizda iqtidorli yoshlar ko'p va ular futbol o'ynashni bilishadi. Biroq har bir chiziqda yoshlarni o'zlari bilan ergashtira oladigan va g'alabalar sari etaklaydigan mahoratli futbolchilarga ehtiyojimiz bor.
Tanaffusgacha hozirgi tarkib bilan ishlashga majburmiz. Keyin esa tarkib albatta kuchaytiriladi. Esimda, 2012 yilda mavsum yakunlanishiga 5-6 tur qolganida ta'qibchilarimizdan etti ochko oldinda edik. Biroq yakunda g'oliblikni “Paxtakor” klubi qo'lga kiritgan edi. Shu boisdan ham ayta olamanki, futbolda kutilmagan natijalar bo'lib turadi. Chempionlar ligasiga beriladigan yo'llanmalarning birini qo'lga kiritish uchun harakat qilamiz - deydi Mirjalol Qosimov.
Qayd etish kerakki, “Bunyodkor”ning yangi murabbiylar shtabi ishga to'liq holatda keyingi haftadan kirishadilar. Mirjalol Qosimov va uning yordamchilariga “Al-Ayn” bilan bo'ladigan safar o'yiniga bir kunning o'zidayoq xorijga chiqish vizasini rasmiylashtirishning imkoni bo'lmadi. Ertaga “Bunyodkor” BAAga uchib ketadi.
— deya xabar beradi uff.uz nashri.
- Barchangizga ma'lumki, “Bunyodkor” men uchun begona jamoa emas. Bungacha jamoaga ustozlik qilgan Sergey Lushchanga yoshlarni tarbiyalashda ko'rsatgan mehnatlari uchun minnatdorchilik bildirib o'tmoqchi edim. Uning keyingi faoliyatiga omad tilayman. Murabbiylarning qismati shunday bo'ladi: futbolda g'alaba va mag'lubiyat yonma-yon yuradi. Ortda qolgan ikki yil davomida sog'ligimni tiklab oldim, klublarimiz va terma jamoalarimiz ishtirokidagi uchrashuvlarni kuzatdim.
Hozirgi qiyin holatda OAV vakillaridan jamoamiz futbolchilariga dalda bo'lib, ularni qo'llab-quvvatlashlarini iltimos qilib qolardim. Sir emaski, bugungi kunda deyarli hamma internet saytlari va gazetalarni o'qishadi, televizor ko'rishadi yoki radio eshitishadi. Kelayotgan dushanba kuni jamoamiz Osiyo Chempionlar ligasi 6-tur uchrashuvini o'tkazadi. Shundan so'ng, bor e'tiborimizni ichki musobaqalarga qaratamiz. To'g'risini aytganda, jamoa ichidagi holatdan xabardor emasman. Shak-shubhasiz, tarkibimizda iqtidorli yoshlar ko'p va ular futbol o'ynashni bilishadi. Biroq har bir chiziqda yoshlarni o'zlari bilan ergashtira oladigan va g'alabalar sari etaklaydigan mahoratli futbolchilarga ehtiyojimiz bor.
Tanaffusgacha hozirgi tarkib bilan ishlashga majburmiz. Keyin esa tarkib albatta kuchaytiriladi. Esimda, 2012 yilda mavsum yakunlanishiga 5-6 tur qolganida ta'qibchilarimizdan etti ochko oldinda edik. Biroq yakunda g'oliblikni “Paxtakor” klubi qo'lga kiritgan edi. Shu boisdan ham ayta olamanki, futbolda kutilmagan natijalar bo'lib turadi. Chempionlar ligasiga beriladigan yo'llanmalarning birini qo'lga kiritish uchun harakat qilamiz - deydi Mirjalol Qosimov.
Qayd etish kerakki, “Bunyodkor”ning yangi murabbiylar shtabi ishga to'liq holatda keyingi haftadan kirishadilar. Mirjalol Qosimov va uning yordamchilariga “Al-Ayn” bilan bo'ladigan safar o'yiniga bir kunning o'zidayoq xorijga chiqish vizasini rasmiylashtirishning imkoni bo'lmadi. Ertaga “Bunyodkor” BAAga uchib ketadi.
— deya xabar beradi uff.uz nashri.
Bosh sahifaga
761