Italiya chempionatining 35-turidan o'rin olgan uchrashuvda «Yuventus» o'z maydonida «Torino» (1:1) bilan durang o'ynadi. Shunday qilib, ushbu durangdan so'ng «Yuventus»ning o'z maydonidagi ketma-ket 33 o'yinlik g'alabali seriyasi o'z nihoyasiga etdi. So'nggi bor «keksa sinora» 2015 yilning sentyabrida g'alabaga erisha olmagan edi. O'shanda «Frozinone» (1:1) bilan durang qayd etilgan. Ushbu ko'rsatgich borasida kuchli beshlik chempionatlaridagi rekordchi «Barselona» hisoblanadi. Kataloniyaliklar klubi 1958-1960 yillar mobaynida Ispaniya chempionati bahslarida o'z maydonida ketma-ket 39 uchrashuvda g'alabali seriya qayd etgan.
— deya xabar beradi uff.uz nashri.