«Barselona» vitse prezidenti Xordi Mestre jamoa hujumchisi Lionel Messi bilan yangi shartnoma imzolash borasida muzokaralar yakuniy bosqichga etganini ma'lum qildi.
- Aslida hammasi juda yaxshi kechmoqda. Agar kimdir muzokaralarda muammo borligini aytsa, buni rad etishga tayyorman. Messining yangi shartnomasi etilib qoldi.
Hatto shuni aytishim mumkin, muzokaralar yakuniy bosqichga kirgan va yaqin haftalarda yangilik bo'lib qolishi lozim. Aniq vaqtini aytmayman, ammo ko'p vaqt qolmadi, - deydi Mestre.
Eslatib o'tamiz, Messining amaldagi shartnomasi 2018 yilning yozida yakuniga etishi lozim.
— deya xabar beradi uff.uz nashri.