Ispaniya chempionatining 36-turidan o'rin olgan uchrashuvda «Real» safarda musoboqa autsayderi «Granada» bilan o'ynadi va yirik hisobda g'alabaga erishdi. Ushbu bahsga oid bir nechta qiziqarli ma'lumotlarni e'tiboringizga havola etamiz. - Alvaro Morata maydonda o'tkazgan 315 daqiqa mobaynida 7 ta gol kiritishga erishdi (o'rtacha har bo'limda bitta gol); - Morata «Real» safida ushbu mavsumdagi 20-golini kiritdi (Benzemada – 17 ta). Shunisi qiziqki, Alvaro maydonda Karimdan ko'ra taxminan 1000 daqiqa kam harakat qilgan; - La Liga yarim himoyachilari ichida Xames Rodriges eng samarador futbolchi bo'lib turibdi (11 gol va 12 golli uzatma); - «Real Madrid» ushbu mavsumda o'zining 158-golini kiritdi (barcha musoboqalarda) va bu bilan hozircha 2016/17 mavsumni klub tarixadagi 4-eng yaxshi natijaga aylantirdi; - Ushbu o'yinning eng yaxshi o'yinchisi – Xames Rodriges; - Madridliklar sardori Serxio Ramos «Real» safida Ispaniya chempionatidagi 250-g'alabasini nishonladi.
— deya xabar beradi uff.uz nashri.