O'zbekiston chempionati oliy ligasida kurash tobora kuchaymoqda. Bu yilgi mavsum avvalgilaridan keskin farq qilyapti, kutilmagan natijalar muxlislarda qiziqish uyg'otayotgani bor gap. Grandlarning «qoqilishi», aksincha, kuchsiz hisoblangan jamoalarning yuqori o'rinlarda yurishini hech birimiz hatto tasavvurimizga sig'dira olmagan edik. Vaziyatning bu taxlit o'zgarishi muxlislarni stadionga qaytarsa, ajabmas. Biz navbatdagi tur o'yinlaridan so'ng «Olmaliq» hujumchisi Kamoliddin Murzoevdan intervyu oldik. - Kamoliddin, «Olmaliq»ning joriy mavsumdagi gollari ko'p emas. Buning sabablari nimada deb o'ylaysiz? - O'yinlar oldidan asosiy e'tiborni standart vaziyatlarga qaratib, ulardan maksimal darajada foydalanishimiz kerakligi uqtirilmoqda. Ayniqsa, bu holat «Obod»ga qarshi kechgan bahsda naf keltirdi, ya'ni murabbiyning taktikasi ish berdi. Umuman olganda, jamoamizga ozgina vaqt kerak. O'ylaymanki, turdan-turga o'yinimiz ochilib boraveradi. - Viktor Kumikov Qozog'istonning «Shaxtyor» jamoasida muvaffaqiyatli ish olib bordi. Evrokuboklarda qarag'andaliklar bilan ijobiy natijalarga erishdi. Malakali mutaxassis futbolchilardan nimani talab qilyapti? - Viktor Balyutovich bilan oldin ham birga ishlaganman. Uning falsafasi himoyani kuchaytirgan holda o'yinlar o'tkazishga asoslanadi. Qarshi hujumlar, standart vaziyatlarga katta e'tibor qaratiladi. Kumikov avval ishlagan jamoalarida ham futbolchilar ongiga shunday taktikani singdirgan. O'z ishini a'lo darajada bajaradigan mutaxassis. Qozog'istonda birga ishlagan paytimizda ham e'tiborini jamoaviy o'yinni shakllantirishga qaratgan. - Nihoyat, uzoq tanaffusdan so'ng gol ura boshladingiz... DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.