Italiya chempionatining 35-turidan o'rin olgan «Milan» – «Roma» uchrashuvi o'z nihoyasiga etdi. Unda 1:4 hisobi qayd etilib, rimliklarning g'alabasi bilan tugadi. O'yin debyutidayoq Edin Jeko mehmonlarni oldinga olib chiqqan bo'lsa, birinchi bo'lim o'rtalarida uchrashuvdagi dublini nishonladi. Uchrashuaning 76-daqiqasida Pashalich hisobni qisqartirishga erishdi. Biroq oradan ikki daqiqa o'tib El-Shaaravi hisobni 1:3 ko'rinishiga keltirib qo'ydi. O'yin vaqti tugashiga uch daqiqa qolganida Pashalich jarima maydonchasi ichida qo'pollik ishlatdi va qizil kartochka olib maydonni tark etdi. Belgilangan penaltini de Rossi aniq bajardi va yakuniy hisobni o'rnatdi. Italiya chempionati 35-tur Milan – Roma 1:4  Gollar: 0:1 – 8 Jeko, 0:2 – 28 Jeko, 1:2 – 76 Pashalich, 1:3 – 78 El-Shaaravi, 1:4 – 87, penalti de Rossi. Milan – Donnarumma, Paletta, Sapata, De Shilo, Vandjoni (Okampos, 69), Sosa (Gomes, 88), Pashalich, Deulofeu, Fernandes (Bertolachchi, 46), Suso, Lapadula. Roma – Shchensnii, Fasio, Emerson, Jezus, Manolas, de Rossi, Paredes, Nainggolan (Grene, 72), Salax, Perotti (El-Shaaravi, 60), Jeko (Bruno Peres, 84). Ogohlantirishlar: Vandjoni (48), Lapadula (59), Bertolachchi (63), Manolas (63), Okampos (77). Chetlatish: Paletta (86).
— deya xabar beradi uff.uz nashri.