"Shaxtyor" sardori Dario Srna donetskliklar bilan yangi shartnoma imzoladi. Xabaringiz bor, qishda xorvatiyalik futbolchining "Barselona"ga o'tishi haqida xabarlar tarqagandi. Bu borada u o'z fikrlarini bildirdi. "Birinchidan, juda xursandman. "Barselona" bilan esa hech qanday muzokara bo'lmagan. Maqsadim - faoliyatimni "Shaxtyor"da yakunlash. Klub prezidenti yangi shartnoma taklif etganda faqat tashakkur aytdim. Men har qanday shartga rozi edim. "Barselona" bilan bog'liq ma'lumotlardan boxabar bo'lsangiz kerak. Ammo mening qalbim shu erga tegishli. "Shaxtyor"da baxtliman. Bir klubda 14 yil o'ynasang, uning bir qismiga aylanasan. Jamoa prezidenti bilan bo'lgan suhbatda "Barselona" safida Chempionlar Ligasida g'olib bo'lgandan "Shaxtyor" libosida chempionlikka erishishdan ko'proq quvonishimni aytdim. Agar bu klubdan ketganimda, o'zimni aslo kechirmasdim", - deydi Srna.
— deya xabar beradi uff.uz nashri.