Madridning “Real” klubi 10 may kuni “Atletiko” bilan EChL yarim final bosqichi javob uchrashuvini o'tkazish uchun “Visente Kalderon” stadionida maydonga tushadi. “Qirollik klubi” bosh murabbiyi Zineddin Zidan aynan shu o'yin haqida o'z fikrlarini bildirib o'tdi. “Biz oldimizda turgan yana uchta o'yinda g'alaba qozonishdan tashqari, chorshanba kuni “Atletiko” to'sig'idan o'tishimiz kerak bo'ladi. “Real” – musobaqa finaliga chiqish uchun o'zining eng sifatli o'yinini namoyish etishi darkor. 3:0? Biz o'z maydonimizda shunday hisobda g'alaba qozondik. Nega endi bu ishni “Atletiko” amalga oshirolmaydi. Evropa Chempionlar ligasi finaliga chiqishda yarim finalda o'ynalgan ikki o'yin natijasi muhim”, - deydi Zidan Marca nashriga bergan intervyusida.
— deya xabar beradi uff.uz nashri.