Bugun "Lokomotiv" futbolchilari Osiyo chempionlar ligasi uchrashuvini o'tkazish maqsadida BAAning Dubay shahriga etib kelishdi. Xabaringiz bor, "temiryo'lchilar" ertaga, 9 may kuni OChL guruh bosqichi 6-tur doirasida "Al Ahli" mehmoni bo'lishadi. Eslatib o'tamiz, birinchi o'yinda "Lokomotiv" bu raqibini 2:0 hisobida mag'lub etgan. Ertangi uchrashuvda ham "Loko" futbolchilarini faqat va faqat g'alaba qoniqtiradi. Chunki shundagina guruhdan chiqish imkoniyatiga ega bo'lamiz. "Lokomotiv" delegatsiyasi "Movenpick" mehmonxonasiga joylashdi. Bugun ertangi o'yin oldidan matbuot anjumani hamda uchrashuv ishtirokchilari uchun miting tashkil qilinadi. "Lokomotiv"ning o'yin oldi matbuot anjumani 16:00 (Toshkent vaqti bilan 17:00)da boshlanadi.
— deya xabar beradi uff.uz nashri.