Osiyo Chempionlar ligasi musoboqasining 6-turidan o'rin olgan "Al-Ayn" - "Bunyodkor" uchrashuvi o'z nihoyasiga etdi. Unda 3:0 hisobi qayd etilib, maydon egalarining g'alabasi bilan yakunlandi. Dastlab, birinchi bo'limning 34-daqiqasida Shamroni maydon egalarini hisobda oldinga olib chiqishga muvaffaq bo'ldi. Ikkinchi bo'limning 77-daqiqasiga kelib, Omar Abdulraxmon Zuhurovni ikkinchi bor ranjitishning uddasidan chiqdi. Qo'shib berilgan vaqtda zahiradan maydonga tushgan Diaki, hisobni 3:0 ko'rinishga olib kelib, o'z jamoasiga yirik hisobdagi g'alabani taqdim etdi. Shu tariqa, toshkentliklar guruh bosqichidagi ishtiroklarini yirik mag'lubiyat bilan yakunladilar. Osiyo Chempionlar ligasi, 6-tur "Al-Ayn" - "Bunyodkor" 3:0 (1:0, 2:0)
Gollar: 1:0 – 34 Shamroni, 2:0 – 77 Omar Abdulraxmon, 3:0 – 90 Diaki.
"Al-Ayn": Eysa, Halfan, Kayyu, O. Abdulrahmon, Solid Juma, Salim Juma, X. Abdulrahmon, Salim, Al-Shamroni, Li Myung Ju, Asprilla.
"Bunyodkor": Zuhurov, Ashurmatov, Komilov, Mirabdullaev, Qosimov, To'xtasinov, Chemirtan, Umirov, Shukurov, Hamdamov, Shomurodov.
— deya xabar beradi uff.uz nashri.