Moskvaning «Lokomotiv» klubi sobiq hujumchisi, shotlandiyalik Garri O’Konnor yana bir bor noqulay vaziyatga tushib qoldi - kiyimlar do'konidan pidjak o'g'irlaganlikda ayblandi. Championat.com sayti ushbu voqea bahona shu kabi jinoyat chog'ida qo'lga tushgan boshqa futbolchilar haqida maqola tayyorladi. De Xea va kulcha (ponchik), 2011 yil Hozirda de Xea jahonning eng kuchli darvozabonlaridan biri sifatida e'tirof etilmoqda. Ammo «MYu»dagi ilk mavsumida ispaniyalik kiperning manziliga tanqidlar yog'dirilgandi. Top-klubda yaxshigina shartnomaga imzo chekkan 20 yoshli yigitchaning Manchesterdagi do'konda kulchani paqqos tushirib, haqini to'lamagani Angliya jamoatchiligining hayratiga sabab bo'lgandi. David mazkur holatga aniqlik kiritarkan, inglizchani yaxshi o'zlashtirib ulgurmagani bois sotuvchi bilan tushunmovchilik yuzaga kelganini ta'kidlagandi. Fakt shuki, futbolchini tashqariga chiqib ketayotganda ushlab qolishgan. Masala o'sha zahoti echimini topdi. Jazo chorasi sifatida De Xeaning ikki oy mobaynida do'konlarga kirishi taqiqlandi. Ta'kidlash joizki, darvozabon tanovul qilgan kulchaning narxi bir yarim funt bo'lgan. Abdessadki va shampun,2011 yil Turli darajadagi mehmonxonalarda tez-tez uchrab turadigan holat: to'rtta idishdagi shampun yo'qoldi, qavatlarning biriga o'rnatilgan suv idishi (kuler) buzildi. Voqea Germaniyada ro'y bergani bois, darhol muhokamaga kirishildi. Tekshiruvlar natijasida hammasiga Kyolndagi mehmonxonaga joylashgan «Frayburg» klubi a'zosi Yosin Abdessadki aybdor ekani oydinlashdi. Bino ma'muriyati darhol klubning kompensatsiya to'lashi kerakligini bildirdi. Ertasiga esa jamoa tartibbuzar futbolchi bilan shartnomani bekor qildi. Keyta va prezident jomadoni, 2012 yil O'sha yili Portugaliyaning «Leyriya» klubi jiddiy moliyaviy muammolarni boshdan kechirayotgandi - to'rt oylik maoshlar to'lanmayotgani bois 16 nafar futbolchi navbatdagi turdan o'rin olgan «Feyrense»ga qarshi safar bahsida maydonga tushishdan bosh tortishdi. Murabbiy yoshlar jamoasidan o'yinchilarni jalb etdi, ammo bu ham etarli emasdi - tarkibdan faqatgina sakkiz futbolchi chiqdi. O'yin «Leyriya»ning 0:4 hisobidagi mag'lubiyati bilan yakunlandi, jamoani «Atletiko»ning bo'lajak kiperi Yan Oblak ham qutqarib qololmadi. Eng qiziq holat uchrashuv arafasida ro'y berdi. Klub prezidenti Joau Bartolomeu olti ming evro solingan chemodan bilan tashrif buyurgan, bahs yakunlangach, o'yinchilar maoshining bir qismini to'lashga va'da bergandi. Mutasaddining aytishicha, uni kuzatib yurgan yarim himoyachi Alfusseni Keyta qo'lidan chemodanni tortib olib, stadion yaqinida avvaldan tayyorlab qo'ygan avtomobilga o'tirib, juftakni rostlagan. Qizig'i, bir necha kundan so'ng klub rasmiy saytida tushunmovchilik yuzaga kelgani, Keytaning pullarni o'g'irlamagani haqida bayonot paydo bo'ldi. Bartolomeu «Leyriya»ni tark etdi, «aybdor» esa «Benfika»ga qarshi kechgan navbatdagi o'yinda maydonga tushdi. U keyinchalik ham maoshlar to'lanmayotganidan shikoyat qildi va mavsum oxirida baribir, klubdan ketdi. Kolker va pishloq, 2013 yil Moskvaning «Lokomotiv» klubi angliyalik Stiven Kolkerning xurmacha qiliqlaridan o'z vaqtida xabar topib, shartnoma imzolamaslikka qaror qildi. Mast holda avtomobil haydagan futbolchining London janubidagi temir yo'l stantsiyasida piyodalarni urib yuborishiga bir bahya qoldi. Oqibatda sud 25 yoshli himoyachiga 755 funt jarima belgilab, xarajatlar uchun yana 99 funt undirdi. Summaning bunday ko'rinish olishiga sabab shuki, Stiven avval ham shu kabi muammolarga yo'liqqan. Ulardan eng kulgilisi 2013 yili ro'y bergan. Kolker supermarketdan 300 gramm pishloq olib, haqini to'lamay chiqib ketmoqchi bo'lgan. Voqea joyiga etib kelgan politsiya aybdorning qo'liga kishan taqdi va faqatgina oqshom payti o'g'rining APLda to'p suruvchi mashhur futbolchi ekani oydinlashdi. Stiven jarima to'lash bilan qutuldi. Aytish kerakki, o'g'irlangan pishloqning narxi 1,85 funt sterling edi. Kolker esa o'sha payt «KPR»da haftasiga 40 ming maosh olardi. Runi va suvenirlar, 2016 yil DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.