Italiya kubogi finali o'tkaziladigan sana “Yuventus”ning Evropa Chempionlar ligasi finaliga chiqishi sabab o'zgardi. Ma'lumki, EChL finali 3 iyun kuni bo'lib o'tadi. Aynan shu sababga ko'ra, “Yuventus” – “Latsio” jamoalari o'rtasida bo'lib o'tadigan uchrashuv 2 iyundan 17 mayga ko'chirildi. Football Italia nashrining xabariga ko'ra, final uchrashuvi “Latsio”ning uy o'yinlarini o'tkazdagin “Stadio Olimpiko” stadionda bo'lib o'tadi. Eslatib o'tamiz, ikki yil avval ham “Yuventus”ning EChL finaliga chiqishi sabab Italiya Kubogi finali o'tkaziladigan kun o'zgartirilgandi.
— deya xabar beradi uff.uz nashri.