«Monako» - «Yuventus» *** «Monako» yarim finalning ilk o'yinida «Yuventus» darvozasini ishg'ol qilolmadi. Bunga asosan turinliklar kiperi Janluiji Buffon «aybdor»dir. Xullas, monegaskliklar o'z maydonlaridagi uchrashuvda 2015 yilning noyabridan buyon ilk marta gol quvonchini tuyishmadi. Jamoa o'shanda EL doirasidagi bahsda «Anderlext»ga 0:2 hisobida yutqazgandi. ***  «Yuventus» joriy ChLda ketma-ket 6-o'yinda o'z darvozasi daxlsizligini saqlab qoldi (5tasi «pley-off» raundida). Turin klubi turnirda oxirgi marta guruh bosqichi 5-turida «Sevilya» bilan bo'lgan o'yin (3:1)da gol qo'yib yuborgandi. Demak, «Yuve»ning ChLdagi «quruq» seriyasi 621 daqiqaga etdi. Shu 6ta o'yinning atigi 1tasida jamoa darvozasini zaxira kiperi Neto, qolganlarida esa Janluiji Buffon qo'riqladi. Umuman, Turin klubi ChL «pley-off» raundlarida ketma-ket 5ta o'yinda gol qo'yib yubormagan 3-jamoa bo'ldi. Bungacha «Milan» (mavsum-2004|2005) va «Arsenal» (mavsum-2005|2006) shunday natijaga erishgandi. Londonliklar hattoki, 6-o'yinda ham «quruq» seriyani davom ettirib, bu borada rekord o'rnatishgan. Qiziqi, «Milan» ham, «Arsenal» ham o'sha mavsumlar finalga chiqqan, biroq har ikkisi hal qiluvchi o'yinni boy bergan. *** «Yuventus» himoyachisi Dani Alvesh joriy ChLda golli vaziyatlar yaratish bo'yicha peshqadam bo'lib oldi. «Monako»ga qarshi uchrashuvdan so'ng braziliyalik futbolchi yuzaga keltirgan vaziyatlar soni 27taga etdi. «Yuve»ning Monakoda urgan har ikki goliga aynan Alvesh hammualliflik qilganini ham alohida ta'kidlash o'rinli. *** «Yuventus» hujumchisi Gonsalo Iguain «dubl»ga erishib, jamoasi g'alabasiga katta hissa qo'shdi. E'tiborlisi, Argentina terma jamoasi vakili 2013 yildan buyon turnirning «pley-off» bosqichida gol urmayotgandi. Qolaversa, u mehmondagi «hayot-mamot» janglarida ilk gollarini nishonladi. *** O'yin qahramonlaridan biri - Janluiji Buffon ChLda 100-o'yinini nishonladi. 39 yoshli kiper shu tariqa «Yuventus»ning bu marraga etgan birinchi futbolchisi bo'ldi. Eslatma, ChLda bitta klub tarkibida ko'p o'yin o'tkazish bo'yicha mutlaq rekord «Barselona»ning sobiq yarim himoyachisi Xaviga tegishli - 151ta. Umumiy o'yinlar hisobi bo'yicha esa «Real»ning sobiq kiperi, ayni payt «Portu» sharafini himoya qilayotgan Iker Kasilyas etakchidir - 164ta. «Real» - «Atletiko» *** «Real» hujumchisi Krishtianu Ronaldu ChLdagi «xet-trik»lar soni bo'yicha Lionel Messiga etib oldi. Endi har ikki futbolchi hisobida 7tadan «xet-trik» bor. Ronaldu shuningdek, «Madrid derbisi» tarixida 20ta gol marrasidan o'tgan ilk futbolchiga aylandi (21ta gol). *** Krishtianu Ronalduning  DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.