5 oktyabr kuni Andijondagi Sho'rbuloq futbolga ixtisoslshgan internatning o'quv zalida viloyat birinchiliklarida faoliyat yuritayotgan yosh hakamlar uchun o'quv mashg'uloti o'tkazildi.
Andijon futbol federatsiyasi tomonidan tashkil etilgan mazkur seminar davomida respublika toifasidagi hakam Islom Rahimov, 1 toifali hakamlar Temur To'htasinov, Anvar Marajabov, Ziyodullo Abrdurahmonov, Shuhrat Hakimovlar yosh kasbdoshlariga hakamlik va futbol qoidalariga oid bilimlar bo'yicha mashg'ulot o'tdilar. Tinglovchilarga futbol uchrashuvlari paytida sodir bo'lib turadigan turli xil bahsli vaziyatlar aks ettirilgan videomateriallar asosida tushunchalar berildi.
- Hakamlarning qarorlari futbolda katta ahamiyatga ega va ayrim vaziyatlarda aynan ushbu qarorlar o'yin taqdirini hal qiladi, - deydi viloyat futbol federatsiyasi vitse-prezidenti Bekzodbek Karimov. Bugungi o'quv mashg'ulotlari davomida yosh hakamlarimiz malakali mutaxassislardan kerakli saboqlar olishdi. Mana shunday mashg'ulotlarni har oyda ikki martadan o'tkazishni rejalashtirganmiz.
Elmurod ERMATOV, Andijon
— deya xabar beradi uff.uz nashri.