O'zbek futboli tobora inqirozga yuz tutmoqda. Shu fikrni dastlab bildirganimda ko'pchilik meni “o'zbek futboliga qarshi bo'lishda” ayblagan, tanqid qilgandan ko'ra qo'llab-quvvatlashga chaqirgandi. Men esa ularga javoban o'zbek futbolini qo'llab-quvvatlashga va'da bergandim. Ammo ayni damda qo'llab-quvvatlay olmayman, chunki bizda qo'llaydigan futbolning o'zi yo'qligi, millionlar o'yini atalmish san'at qandaydir futbolning “f” harfini ham tushunmaydigan mutaxassislaru amaldorlarning oyoqlari ostida xor bo'lganini tushundim. Bu xulosam “Bunyodkor”ning tumshug'i erga ishqalganida bir karra tasdiqlangan bo'lsa, “Lokomotiv”ning sharmandali mag'lubiyatidan keyin yana bir karra o'z isbotini topdi.
Hamma ayni damda mag'lubiyatda “Lokomotiv” futbolchilarini ayblayapti. Men bu fikrga qo'shilmayman, ayb “Lokomotiv” futbolchilarida emas, ayb ana shu futbolchilarni asosiy tarkibga, umuman tarkibga kiritgan murabbiylarda, ayb g'alaba kerak bo'lgan o'yinda 4+5+1 taktikasi asosida (shakli 4+4+2 xolos) o'yin uslubini tanlagan bosh murabbiyda, ayb milliy chempionatimizning autsayderi bo'lmish “Obod”ni yirik hisobda mag'lub etganidan g'ururlanib, “Al-ahli”ning ham dabdalasini chiqaramiz, deya tayyorgarlikniyam “qoyillatgan” murabbiylarda, ayb “Lokomotiv”dek jamoani ana shu murabbiylarga topshirib qo'ygan mutaxassislarda. Ochig'i, “Al-ahli”ga qarshi o'yindan keyin shu narsaga amin bo'ldikki, futbolimiz anchagina islohotlarga muhtoj ekan. Gap yana o'sha muammolarga borib taqaladi: tajribali futbolchilar, mahoratli mutaxassis... Bular amalga oshishi uchun esa o'zbek futbolini futbolni tushunadigan, aniqrog'I futbol uchun qayg'uradigan mutaxassislarga topshirish lozim. Ana o'shanda “Nasaf”, “Bunyodkor”, “Lokomotiv” kabi klublarimiz xalqaro musobaqalarda sharmanda bo'lishmaydi. O'zingiz insof bilan aytingchi, “Al-ahli”ga qarshi kechgan o'yinda vakillarimizning birorta o'ta xavfli hujumiga guvoh bo'ldikmi? Birorta aqlli kombinatsion hujum ko'rdikmi? Futbolchilarimiz birorta kutilmagan qarorni amalga oshirishdimi? Yo'q. Shunday ekan nafaqat g'alaba, hatto gol urish haqida gap-so'z ham bo'lishi mumkin emas. Bu shuni anglatadiki, mazkur o'yinga tayyorgarlik — 0, murabbiyning taktikasi va futbolchilarga ta'siri — 0, futbolchilarning ruhiy tayyorgarligi — 0. Xullas, ayni damda futbolimiz sarobga aylanib boryapti.
Xalqimiz mavjud muammolarga ko'z yumib ketishga usta. Axir shundoqqina ko'rinib turgan futbolni tushunmaydiganlar ham sezib turgan kamchiliklar bartaraf etilmaganidan keyin... Xalqimizda “Gapni gapir uqqanga” degan gap bor. Biz bu kamchiliklarni istagancha aytishimiz mumkin agar mutasaddilar bu kamchiliklarni ko'rishni istashsa, mavjud inqirozdan chiqib ketishni xohlashsa. Afsuski ular buni istashmaydi, aslida ularning nazdida bu o'zbek futbolining inqirozi emas. Oliy liga boshlanadi, o'ynaladi, jarimalar solinadi, yakunda poytaxt jamoalaridan biri chempion bo'ladi, OChLda qatnashamiz, yo guruh, yoki nimchorak, chorakdan qaytib kelamiz, yana chempionat davom etaveradi — mana mutasaddilarimiz uchun o'zbek futboli. Ular shunga ko'nikib qolishgan. Ehtimol, mavsum boshida xuddi shularni reja qilishar, sokinlikni, tinchlikni xush ko'rishar. Bu yoqda esa o'zbek futboli so'nggi nafaslarini olayotgandek. Agar fikrimizning teskarisi bo'lganida allaqachon terma jamoaning murabbiyi almashgan, “Lokomotiv”ga esa  Davomi:
— deya xabar beradi uff.uz nashri.