Futbolni futbol qilgan futbolchilar anchagina. Ular orasida esa uzoq vaqt o'rta toifadagi hisoblangan, ammo alal-oqibat keyinchalik «ochilib», ko'pchilikning tiliga tushganlar sanoqli. Quyida mana shunday sportchilar bilan tanishasiz. Karlos BAKKA 2015 yilning yozida - greklarda defolt holati kuzatilganida, chililiklar bo'lsa uyda o'tkazilgan Amerika Kubogidan «tomlari ketib» turgan bir paytda, Karlos Bakka (28 yoshida) 30 mln. evro evaziga «Milan»ga o'tdi. Agar Bakka mazkur transfer amalga oshirilishidan 3 yil avval vatanida to'p surganini, 6 yil oldin esa professional bo'lganini, undan ham oldin avtobus haydagani va baliq savdosi bilan shug'ullanganini e'tiborga olsak, haddan ortiq ko'p miqdor, shunday emasmi?! Kimlargadir oshirib yuborilayotganday ko'rinar, ammo: forvardning yorqin parvozi Olga Smorodskaya sababchi bo'lmaganida umuman amalga oshmasligi ham mumkin edi. 2011 yilning yozida aynan Olga Yurevna nisbatan arzonroq bo'lgan kolumbiyalikdan Felipe Kaysedo foydasiga voz kechdi. «Eng so'nggi-so'nggi lahzalarda, o'sha yigit Moskvaga uchib ketishi lozim bo'lgan paytda «Lokomotiv» vakiliga bu  futbolchi yoqinqiramay qoldi». Transfer o'sha zahoti muzlatib qo'yildi va «Lokomotiv» butun yoz davomida ikki hujumchini axtargan bo'lsa-da, faqatgina Felipe Kaysedo Moskvaga yo'l oldi», - deb hikoya qiladi Yuriy Dud. Oqibatda, Bakka «Bryugge»da qo'nim topdi (25 yoshida!), 31ta gol urdi, vitse-chempionga aylandi va liga o'yinchisi sovrinini qo'lga kiritdi. 1,5 yil ichida uning bahosi 5 baravar oshdi: «Bryugge» o'z tarixidagi eng yaxshi shartnomaga imzo chekdi - hujumchini 10 mln. evro evaziga sotib yubordi. Ispaniyada Karlos yana 50ga yaqin to'p kiritdi, Evropa Ligasi kubogini boshi uzra ko'tardi (ikki marta) va xalqaro darajadagi yulduzga aylandi, so'ng 30 mln. evro evaziga (28 yoshida!) modalar poytaxtiga yo'l oldi. Kim nima desa desin-u, bugungi «Milan» o'yinini Bakkaning harakatlariga moslayapti, u esa stabil ravishda to'p kiritishda davom etyapti va bu gollarning anchasi klass darajasida. Janluka LAPADULA Lapadula - byudjeti millionlarni tashkil qiladigan kino uchun tayyorgina syujet. Tasavvur qiling: 2015 yilning dekabriga qadar Sports.ru bazasi uning shaxsiy tegiga ham ega emasdi, yarim yil o'tgach esa u «Milan» safidan joy oldi, yana shuncha vaqtdan so'ng - Italiya termasidan. Lapadulaning yoshligi qiyin kechgandi: u doimiy ravishda mushtlashar, bezorilik qilar va «Torino» muxlislari dahasida yashasa-da, «Yuventus» muxlisi edi. 14 yoshida uni «Yuventus» tizimidan haydab solishdi - albatta, ko'p bor darslarni qoldirgani uchun, 15 yoshga to'lganida esa otasi bilan aytishib qoldi va kichik ukasi Davidni o'zi bilan olgancha, uydan chiqib ketdi. Keyingi 2 yilni havaskor hisoblangan «Rivoli»da o'tkazdi. David ham qobiliyatli hisoblansa-da, pochtalon bo'lib etishdi, Janluka esa bir yil o'tar-o'tmas to'rtinchi diviziondagi «Pro Verchelli» bilan shartnoa imzoladi. Uning futbol olamini zabt etish yo'li 10 yilga cho'zildi: 17 yoshida «S2» seriyasida debyutini o'tkazdi, 22ga to'lganida esa - «B» seriyasida, faqatgina 26ga to'lganida - «A» seriyasida. Bu yigitga xos yana bir jihat: Lapadula 2014 yili (24 yoshida) hujumchiga aylandi, bungacha pochtalonlik, ofitsiantlik qildi, futbol faoliyati davomida darvozabon, markaziy himoyachi, o'ng qanot vingeri sifatida maydonga tushdi va faqat shundan keyingina unda genial darajadagi forvardlik iqtidori borligini payqashdi. «Men qo'rqmasdim, ammo o'zimni boshqacha sezardim. Meni «Jenoa», «Sassuolo», «Napoli» o'z saflariga chorlashdi. O'zimga o'zim shunday derdim: 2 yil avval «Novu Goritsu» sharafini himoya qilgandim, nima bo'lyapti? Keyinroq «Milan» varianti paydo bo'ldi. «Milan»? Bu erda nimani o'ylash kerak? Menga shartnomani bering, darhol imzoyimni qo'yaman, - deb xotirlaydi Janluka Undiciga bergan intervyusida. - «A» seriyasiga o'tish uchun 6 oy davomida barcha divizionlarda g'olib bo'lishimga to'g'ri keldi. Termaga chaqirishganida esa, mendan baxtli odam yo'q edi. Ammo o'zimni har qachongidan ham engil his qilardim. Muammolarim yo'q, demayman-u, ammo ularni engishni uddalayapman. Xotirjam bo'ldim». Yan KOLLER Gapni Koller o'sgan qishloqda futbol jamoasi tuzish uchun odam etmaganidan boshlasak. O'sha paytlarda sobiq Chexoslovakiyada muddatli harbiy xizmat saqlanib turgan va Yan 19 yoshga to'lganida barcha tengdoshlari singari armiyaga chaqirilgandi. 1992 yili yigitlik burchini o'tagan Koller jomadonlarini yig'ishtirdi-da, Pragaga yo'l oldi. U erda avtomarkazda mexanik bo'lib ishladi, buvisinikida yashadi. Yashash mutlaqo mumkin bo'lmay qolganida esa, qishloqdagi jamoadoshining uyiga ko'chib o'tdi. U erda kunning birinchi yarmida eski valyutani yangisiga almashtirdi, tushlikdan so'ng esa havaskorlar jamoasi bo'lgan «Krchi»da shug'ullandi. O'sha kunlarning birida uni «Sparta» ko'rib qoldi va o'shanda Koller sherigi bilan ming yillikning buyuk aferasini amalga oshirdi - yarim professional klub bo'lgan «Smetanovoy Lgotoy» bilan shartnoma imzoladi va o'zini 100 ming kronga pulladi. «Jamoa fanatlari meni kurakda turmaydigan so'zlar bilan «siylashar», tinmay hushtak chalishardi. Ayrim o'yinchilar - ayniqsa, o'rnilariga maydonga tushganlarim jig'imga tegishardi. Ammo ularni ham tushunish mumkin edi: bolaliklaridan mamlakatning eng yaxshi akademiyalarida shug'ullanishgandi, men esa kareramni 21 yoshimda boshlagandim», - xotirlaydi Koller Pragadagi faoliyatiga to'xtalarkan. 25 yoshga to'lganida Koller Dortmundga ko'chib o'tdi. Bir yildan so'ng 13 ta to'p kiritib, bundesligada g'olib bo'ldi, top darajasidagi forvardlar qatoridan o'rin oldi. Iliya NESTOROVSKI DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.