Taniqli sport jurnalisti Giyom Balage Sky Sports telekanali efirlaridan birida “Manchester Yunayted” darvozaboni David De Xeaning kelajagi haqida fikr bildirib o'tdi. “Ma'lumki, “Real” avvaldan De Xeani sotib olish uchun eng yirik favoritlardan hisoblanib kelinadi. Ochig'ini aytadigan bo'lsam, uning “qirollik klubi”ga o'tishi deyarli hal bo'lib bo'lgan. “Real” doim o'z oldiga yuqori maqsadlarni qo'ygan jamoa, ular ayni shu sababdan yozda De Xeani o'z safiga qo'shib oladi”, - deydi ekspert. Eslatib o'tamiz, “Real” bosh murabbiyi Zinedin Zidan avvalroq David De Xeani o'z jamoasi tarkibida ko'rishni istayotganini bildirgandi. 
— deya xabar beradi uff.uz nashri.