Uchrashuv nihoyasida jamoamiz ustozi Ro'ziqul Sa'dullaevich o'yin haqida o'zining fikrlari bilan o'rtoqlashdi. “Dinamo” jamoasini hurmat qilgan holda aytaman, bugungi o'yin bizning to'liq ustunligimizda o'tdi. Ammo birinchi bo'lib gol o'tkazib, vazifamizni og'irlashtirib qo'ydik. Ikkinchi bo'limda futbolchilarimizga ko'proq hujumga e'tibor qaratishlari haqida ko'rsatma berdik. Buning uddasidan ham chiqdik. Afsuski yaratilgan ko'plab vaziyatlardan foydalana olmadik, faqat bir vaziyatni golga aylantira oldik. Bugun biz g'alaba uchun o'ynagan edik, bugun ikki ochko yo'qotdik. Biz uchun hisob qoniqarsiz bo'ldi. Bugun omad bizdan yuz o'girdi. Keyingi o'yinlarda vaziyatlarni golga aylantirishda oqsayapmiz, bu kamchiligimizni bartaraf etmasak, oqibati yaxshi bo'lmaydi. Bu kamchilik ustida endi jiddiy ishlaymiz. Bu yilgi chempionatda yaxshi o'yin namoyish etib, ochkolarni yo'qotayapmiz. Boshqa jamoalar ishtirokiga to'xtaladigan bo'lsam, joriy mavsum qiziqarli bo'layapti. Hattoki etakchi jamoalarning ochko yo'qotishi oddiy hol bo'lib qoldi. Bu etakchi jamoalarning kuchsizlandi degani emas, balki bu yil ko'plab jamoalarga e'tibor kuchaydi. Ya'ni avvalgi chempionatlarda o'rtacha ishtirok etib kelayotgan klublar endi kuchaya boshlashdi. Bu albatta chempionatimiz qiziqarli o'tishiga turtki bo'lmoqda.
— deya xabar beradi uff.uz nashri.